نبض آخر
05-01-2009, 03:40 AM
سواجي أحـــــــــــــــــــــــــلامنه
٭٭٭٭٭٭٭٭٭٭٭٭٭٭
من كَال النهر مايحـــــفظ الاسماء
لهذا اليوم حافظـــــــــهن اسامينه
نغم كلما تعدّه اعــــــــله البساتين
ابذيچ العذوبــــــــــه الكَاه يغنينه
تخاطبني الحنــايا وهمس الفيّاي
ورجفة روج رجلــينه بسواجينه
اهناكَعدنه
اهنا تشاقينه
اهنا تخاصمنه وتراضينه
اهنا رشفنه المستحه بوسات
وعجنّه ارواحنه بحنّة صوانينه
اهنا عصرنه
الكَمـــــــر والنجمات
وسكرنه بليل نشوتنه وغفينه
ياحسرة هوانه
وشوغــــــــــــــــــة الغركَان
الكَطع سبّاح كَشـــــــــــاية مرامينه
رﭽز ظهر الحلم فاله ام سبع شاخات
وعلى خدود الحـــــزن نشفت بواﭽينه
المراشن تَعدّه وصـــــــــــبّخت دنياي
وذبح سيف الملح منحـّر صــــــلاخينه
وخذف بيه القهر خــــذفة جنح حّذاف
يطكَ روحي بوجــــــــع طكَتّ تواثينه
ويطّر صدري الحنين بموجة الحسرات
مثل طرّة بلمنه بمـــــــــــردي شاطينه
وعليك اﭽفوفي رحــى وتطحن اهموم
وابكَلبي يشب مـوكَــــــــــــــد ﭽوانينه
الشنينه للظهر ثلجــــــــتها ماعت ضيم
وعلى اشفاف العطــش عضّت مأسينه
تتنيسن ربعــــــــــــــــــــــكم يالغزالات
والطارش بعد مايلــــــــــــــــحكَ علينه
وماريدن تردّك (حيـّـــــــــــهم)اعله الدار
فشّخنه الوكت حــــــــــــد ما كَصه بينه
بجاون ذكرياتك
روحي لوعه تلوج
وعمّية
ايامنه تهـــــــــــــبّش امانينه
الترجمة
٭٭٭٭٭٭٭٭٭٭٭٭٭
طارش الغزلات مثل شعبي يضرب لمن ينسى العهد ذهب ليجلب البذور فعاد وقت الحصاد
الحنايا = اركان المضيف (الديوانيه)
كَشايه= من الغركَان (يـﭽـلب بكَشايه)
الشاخات=حواف الفاله المستعمله في صيد الاسماك
المراشن = وقت سقي زراعة الرز(الشلب)
الصلخي=شتلات من الرز(الزرع) توضع في الاماكن الخاليه (البور)
موكَد الـﭽوانين=جمع كانون
تتنيسن= تجمع السنبل
الشنينه= مخفف اللبن
الجاون = الاناء المستعمل لتخليص بذور الرز من قشوره
تهبش = أي تركز البذور وهي داخل الجاون المذكور
يقال(اتهبّش العميّه )
٭٭٭٭٭٭٭٭٭٭٭٭٭٭
من كَال النهر مايحـــــفظ الاسماء
لهذا اليوم حافظـــــــــهن اسامينه
نغم كلما تعدّه اعــــــــله البساتين
ابذيچ العذوبــــــــــه الكَاه يغنينه
تخاطبني الحنــايا وهمس الفيّاي
ورجفة روج رجلــينه بسواجينه
اهناكَعدنه
اهنا تشاقينه
اهنا تخاصمنه وتراضينه
اهنا رشفنه المستحه بوسات
وعجنّه ارواحنه بحنّة صوانينه
اهنا عصرنه
الكَمـــــــر والنجمات
وسكرنه بليل نشوتنه وغفينه
ياحسرة هوانه
وشوغــــــــــــــــــة الغركَان
الكَطع سبّاح كَشـــــــــــاية مرامينه
رﭽز ظهر الحلم فاله ام سبع شاخات
وعلى خدود الحـــــزن نشفت بواﭽينه
المراشن تَعدّه وصـــــــــــبّخت دنياي
وذبح سيف الملح منحـّر صــــــلاخينه
وخذف بيه القهر خــــذفة جنح حّذاف
يطكَ روحي بوجــــــــع طكَتّ تواثينه
ويطّر صدري الحنين بموجة الحسرات
مثل طرّة بلمنه بمـــــــــــردي شاطينه
وعليك اﭽفوفي رحــى وتطحن اهموم
وابكَلبي يشب مـوكَــــــــــــــد ﭽوانينه
الشنينه للظهر ثلجــــــــتها ماعت ضيم
وعلى اشفاف العطــش عضّت مأسينه
تتنيسن ربعــــــــــــــــــــــكم يالغزالات
والطارش بعد مايلــــــــــــــــحكَ علينه
وماريدن تردّك (حيـّـــــــــــهم)اعله الدار
فشّخنه الوكت حــــــــــــد ما كَصه بينه
بجاون ذكرياتك
روحي لوعه تلوج
وعمّية
ايامنه تهـــــــــــــبّش امانينه
الترجمة
٭٭٭٭٭٭٭٭٭٭٭٭٭
طارش الغزلات مثل شعبي يضرب لمن ينسى العهد ذهب ليجلب البذور فعاد وقت الحصاد
الحنايا = اركان المضيف (الديوانيه)
كَشايه= من الغركَان (يـﭽـلب بكَشايه)
الشاخات=حواف الفاله المستعمله في صيد الاسماك
المراشن = وقت سقي زراعة الرز(الشلب)
الصلخي=شتلات من الرز(الزرع) توضع في الاماكن الخاليه (البور)
موكَد الـﭽوانين=جمع كانون
تتنيسن= تجمع السنبل
الشنينه= مخفف اللبن
الجاون = الاناء المستعمل لتخليص بذور الرز من قشوره
تهبش = أي تركز البذور وهي داخل الجاون المذكور
يقال(اتهبّش العميّه )