قصيدة للشاعر عادل محسن للوطن الغالي

[نبض آخر]

خجل حتى الوطن من شافنه ابها لحال ... مثل والد عليل اتعاركو ولده
ياجار اليحشمه اويدري بالجيران ... متحزمه عليه اوتشتغل ضده
اذا مايهده تهده اوتفرح اوترتاح ... اوماتهده دقيقه من تلوضع يهده
باوع علدول والناس وصلت وين ... وحنه ابهلخلاف انجيبه ونرده
مسرحنه انعرف وشتهروا الابطال ... مخطوف اوشهيد اولازمه العده
اومجهول الهويه اوجسد مابيه راس ... اومفجوعه ابولدهه اوتصرخ ابسده
مسكين اليتيم ايمر عليه العيد ... ودموعه فواتح ناصبه ابخده
گلي ابيا ذنب كتلو ابوه اوليش ... كوم اعيال عده اوكلشي ماعده
اوگلي ابيا بخت جابوه ابغير ازنود ... للجابت عمرهه امچلبه ابزنده
جرحك مثل جرحي اوبلوتك بلواي ... وصوابك اصوابي اشلون ماشده
ناوشني المحبه اوبوسة التجبير ... خل نگطع نزيفه ابلسم الوحده
اشگد مشتاگ امر للاعظميه اليوم ... والنعمان ازوره اويمك اتغده
اونعبر عالجسر نتمشه ايد ابأيد ... يم باب الحوائج غيضنه انهده
لاخير ابوطن ماتغفه عينك بيه ... و لاخير ابشعب مايعبر الشده

[عيونك آخر آمالي]

ناوشني المحبه اوبوسة التجبير ... خل نگطع نزيفه ابلسم الوحده
اشگد مشتاگ امر للاعظميه اليوم ... والنعمان ازوره اويمك اتغده
اونعبر عالجسر نتمشه ايد ابأيد ... يم باب الحوائج غيضنه انهده
لاخير ابوطن ماتغفه عينك بيه ... و لاخير ابشعب مايعبر الشده

الاشتياق زاد وعبر الحد لكن دون جدوى كل مكان له ذكرى لن اتناسى لكن نريد أن نسأل الله جميعا من قلوب محبة للبلد الكريم أن نبقى أقوى من الازمة ونزداد قوة واجتهاد من أجل غد أفضل
دامت لنا كلماتك القيمه

[امير الحب]

اخي الغالي نقلك لهذه القصيده أعجبني جدا

لانها تحاكي الوطن الغالي ...

تتحدث على عراق الحظارات...

عراق الكرامه...عراق الحب والسلام

شكرا لكِ اخي الغالي

ننتظر أبداعك بفارغ الصبر