الخوف احدى صفات الشجاع

[Uncle SAM]

السلام عليكم اخواني واخواتي

حبيت اسألكم من منو تخافون أكثر شي وتنرهبون لو سمعتوا أسمة؟؟
وطبعا الخوف والخشوع لله سبحانه وتعالى في المرتبة الاولى بس قصدي من كثرة الاحترام تكومون تخافون من شخص معين
مثلا اني علاقتي وية ابوية مثل اثنين بالأبتدائية بس من يصعد وياية بالسيارة اكوم اخاف وأخربط(يمكن حتة ليسحب السويج مني ههههههه)
وطبعا مهما كانت علاقتنا قوية بس يبقة ابوية ولازم احسبلة الف حساب

[نبض آخر]

موضوعك حلو اخوية العزيز


طبعا اكيد خوف الله واجب علينا لا بد منه


بعدين اذا نجي ع الخوف الي تقصده انت فآني اخاف على نفسي من كلشي


وخاصة هسه لانه الوضع تعبان .. والشارع مينراد فالف الحمد لله من ترجع سالم للبيت


وللطرافة ... اخاف من يلحكني جلب والدنيا ليل ومحد بالشارع هههههه



تحياتي الك

[Uncle SAM]

موضوعك حلو اخوية العزيز


طبعا اكيد خوف الله واجب علينا لا بد منه


بعدين اذا نجي ع الخوف الي تقصده انت فآني اخاف على نفسي من كلشي


وخاصة هسه لانه الوضع تعبان .. والشارع مينراد فالف الحمد لله من ترجع سالم للبيت


وللطرافة ... اخاف من يلحكني جلب والدنيا ليل ومحد بالشارع هههههه



تحياتي الك
مشكور اخوية العزيز للمرور
ونصيحة اخوية
الجلب يشتم الادرينالين المفرز من قبل جسم الانسان فحاول تشتري جلب حتة تتخلص من هذا الخوف

[عيونك آخر آمالي]

الخوع من الله مطلوب لكن خوف شخصي مافي والسبب اني عصبيه ومن أعصب أنسى اللي حولي لكن ممكن ؛أخاف من ظلم وغدر البشر
مواضيعك خفيفة الظل تسلم

[Uncle SAM]

الخوع من الله مطلوب لكن خوف شخصي مافي والسبب اني عصبيه ومن أعصب أنسى اللي حولي لكن ممكن ؛أخاف من ظلم وغدر البشر
مواضيعك خفيفة الظل تسلم
مشكورة اختي العزيزة عالمرور وانتي الاخف على قلبي

[امير الحب]

والله تريد الصدك ما اخاف من احد بس اخاف من الجريدي والسطح لان كبل مده وكعت من الطابق الثاني وجنت دا اباوع لعبه الريال والاريل كام يخربط فصعدت دا اسوي وكعت
وهاي هيه
مشكورررررررررر

[Uncle SAM]

والله تريد الصدك ما اخاف من احد بس اخاف من الجريدي والسطح لان كبل مده وكعت من الطابق الثاني وجنت دا اباوع لعبه الريال والاريل كام يخربط فصعدت دا اسوي وكعت
وهاي هيه
مشكورررررررررر

يا هية أم الستة؟؟؟ هع هع هع
اشكرك عالمرور

[chelsea]

سامع إلي يكلك هذا يتحرش بالموت؟؟
اني هيجي جنت الى لحد العام يلة صرت عاقل هع هع
يعني اكو اوحد يروح يكمش عبوة ناسفة بأي وقت تنفجر؟؟ لو سيارة مفخخة حتى الشرطة انهزمو من يمها واني رحت كمشتها (خبال)
ولله يهيجي جنت اني اتحرش بالموت (بس بخت ميصير بيه شي هع هع)


اكيد اثنين بس الي اخشاهن
اخاف من الله وغضب الله

واخاف من الكهرباء هم خخخخخخخخخخخخخ نقطة ضعفي الكهرباء

[احمد الايطالي]

طبعا الخوف من الله سبحانه بالدرجه الاولى واني اخاف من الاماكن العاليه ومن ظلم وغدر البشر وتحياتي الكم حبايبي

[اين ملاذي؟]

اخاف بالدرجة الاولى من رب العباد
بس اخاف حيللللللللللللللللللللللل من افلام الرعب
واخاف اذا اسوي شي غلط وادري بيه هو غلط

[♫ ღ Ễḿờ ẪᾐḡẻḼ ღ ♫]

اخاف من امي :ssss:
واخاف من الغابات
:innocent[1]:

[شمـس العـراق]

اخاف من الاماكن المرتفعه

[زمردة]

طبعا اخاف من الله وبس اما من البشر فماخاف من احد

لكن اخاف من الصرصر مو خوف وانما رعب وابو بريص

وهمزين ماكو بعمان ابو بريص واخاف من الاماكن العالية مثل ديلاب الهوى وبس

[حسين هوار]

انت تقصد الاحترام لكن هذة الاحترام متغلب علية طابع الخوف

بصراحة اني شخص احترم كل الناس وهذة واجب

اما طابع الخوف فهذة الشي غير موجود بحياتي

والف شكر عالموضوع الرائع

تحياتي