مهندس بغداد
04-18-2009, 11:05 PM
اكيد كلكم تعرفون الفالنتاين
بس اكو هوايه ميعرفون شنو فلم الفالنتاين ...مو ؟
اني راح احجيلكم القصة من طئ طئ للـــ مع السلامة عليكم
________________
كان يا مكان في قديم الزمان في العصور القديمة جدا جدا و تحديدا في مدينة روما (( عاصمة ايطاليا حاليا ))
كان اكو شاب وسيم جدا جدا (( حيل حلو )) اسمه فالنتاين و حته جانوا ايسموا مهند هلكد ما حلو
المهم
فالنتاين جان شخص محبوب جدا جدا من جميع كل الناس (( خصوصا البنات )) ايموتن عليه و جان هوة جدا طيب و يحل مشاكل الناس و يعالج الناس مع العلم هوة مو طبيب
بدة فالنتاين ايطك و يشتهر و الناس كامت كلهة تحجي عنه و صار الشخص رقم واحد بــ روما (( شون احنة عدنة يونس محمود ))
كام وين ميروح الناس يلتمون عليه
و صور و تواقيع و شغلات و من ذني السوالف
حتة وصل خبرة لــ قيصر روما
القيصر بدة يخاف منه
لان الناس كامت كلها تحبه
كام القيصر دز على رئيس المجلس البلدي مال منطقة بيت فالنتاين
و دار بينهم الحوار التالي ::
القيصر : يول يابة هاي شنو سالفة فالنتاين
رئيس المجلس البلدي : اشبي سيدي
القيصر : شو صاير احوال و الناس ماعدهم احجايه غيرة
رئيس المجلس البلدي : والله سيدس مادري شكلك ... اني هم دا اشوف نشف السي
القيصر : انت شتعرف عنه
رئيس المجلس البلدي : والله سيدي هوة خوش ولد و مالة شر على احد و بالعكس يحب يساعد و يخدم و بس
القيصر : يعني انت هيج تكول ؟
رئيس المجلس البلدي : اي سيدي اني عن نفسي هيج اكول
القيصر : اوكي
عاد عافة القيصر لــ رئيس المجلس البلدي لمنطقة روما (( منطقة بيت فالنتاين ))
بس القيصر ظل الفار يلعب بــ عبه
بقة ممرتاح لـ فالنتاين ...
فعاد دز على وزير الداخليه
و دار بينهم الحوار التالي ::
القيصر : اريدك تجمعلي معلومات عن هذا الي اسمة فالنتاين ..
وزير الداخلية : تأمر سيدي ... اني بخدمة الطيبين
الوزير صفن صفن صفن
شرب استكانين جاي و نص باكيت كلواز احمر و هوة حاير مديدري شون يجيب فالنتاين للدرب
بعدين جتي ابالة فكرة ...
الوزير جانت عدة بنية عميه (( متشوف ))
فشكال الوزير ...
خلي اوديله بنتي و نشوف شراح يكدر ايسويلها
اذا عالجها يعني هوة صدك خوش ولد و اذا معالجها يعني هوة كلاوجي (( نصاب ))
فــ الوزير اتنكر و راح لــ فالنتاين و كلة بلكي تعالجلي بنتي العميه
فالنتاين كال جيبه و الله كريم ولو سالفته مكيسه بس راح احاول
الوزير جاب بنته (( يكولون حاته مو قانونيه ))
لزمها فالنتاين و كام يقرة على راسها و يسويلها فيكات و شغلات و سوالف العيد
طب البنية فتحت
الوزير راد يتخبل
الوزير : صدك جذب ... معقولة ... لك فريتها كل اطباء العالم .. محد دبرهة
فالنتاين : شعبالك ... جا اني شويه
رجع الوزير للــ قيصر
و دار بينهم الحوار التالي ::
القيصر : ها يول شسويت
الوزير : والله سيدي اذا اكلك مراح تصدك
القيصر : شكو ؟
الوزير : سيدي بنتي العميه وديتها لــ فالنتين قرة عليها و كامت تشوف
القيصر : شنووووووووو ... صدك تحجي لو تشاقة ؟؟
الوزير : اي والله اشبيك سيدي ... و اذا متصدك اجيبها هسة كدامك
القيصر اتخبل ... صار عصبي ... كام ايكفر ... باك هوة من فالنتاين
القيصر بينه و بين نفسه كال هذا هسة الناس كلها تحبه باجر عكبه يسوي انقلاب عليه و ياخذ القيصريه مني
فخلي اتعشة بي كبل ليتغدة بيه
فالنتاين حس بالنكرة ...
عرف اكو شي
كام لم جوالاته و طك الاحصان و راح ختل يم عمامة بالبساتين
ورة يومين رجع ديشوف البيت و يجيك الوضعيه
شافة ابو الاسواق الي براس فرعهم
صاح عليه
و دار بينهم الحوار التالي ::
ابو الاسواق : فالنتاين تعال اكلك
فالنتاين : هلو .. خير شكو
ابو الاسواق : يمعود هاي وينك ... البارحة جتي لاندكروزرات اثنين جام مظلل ايسألون عليك
فالنتاين : شنووووووووو ... عليه اني
ابو الاسواق : لك اي
فالنتاين : زين مكالوا شيريدون
ابو الاسواق : لا والله بس كالوا وينه هذا .. كتلهم والله مادري بي وين
عاد راح فلنتاين للبيت لم شباقي عندة هدوم و شال فليساته و الجواز و اخذ تكسي ليم معرض بغداد و مناك اخذ صدر مال جمسي (( نفر بـ 70 $ )) و راح لباريس
وصل للحدود طمغ و كمل و عبر حدود روما و وصل لحد باريس طمغ و كمل ديكملون الطريق وكفتهم دوريه مال شرطة باريس
شافوا هويته مو ام الفسفورة رجعوا و كالولة متفوت حبيب يلا جر منا
رجع مرة لخ فالنتاين لــ روما و كعد يم بيت كرايبه لان يخاف ايروح لبيته لان الحرس سوو سيطرة براس فرعهم حتة من يجي ايصيدوا
طلع عاد ثاني يوم من الغبشة و اخذ تكسي ليم معرض بغداد و مناك طك نفر جمسي لــ المانيا
كملوا الطريق وصلوا لــ حدود باريس طمغ و عبر
وصلوا حدود المانيا
سئلة الظابط الالماني : دخلك عندك تقرير طبي
فالنتاين : لا
الظابط : زين عدك هوية غرفة تجارة
فالنتاين : هم لا
الظابط : دخذ جوازك و اكلب منا و ارجع لبيتكم
انصدم فالنتاين ::::: و اظطر يرجع مر لخي لــ ارض الوطن
رجع مرة لخ لـ روما
بس هل مرة كعد ابيت صديقة و محد من جماعته عرف هوة رجع
كلهم يدرون بي طفر
فراح سوة هوية غرف تجارة و كملها و قرر ثاني يوم يرجع لــ المانيا
فكال اريد كبل ما اسافر اروح اشوف البيت لان ايجوز بعد ما ارجع
راح لبيتهم متخفي
واحد من الجيران (( علاس )) عرفه
و رئستا راح علسه بالسيطرة
جتي 3 همرات و بايجرات ثنين مال حرس وطني و طوقوا البيت و لزموا
و اخذوا للشعبة الخامسة (( غرفة السعادة تحديدا ))
و هناك حكم على فالنتاين بالاعدام بدون تهمة محددة
و خلوا بزنزانه انفرادي الى ان اجة يوم الاعدام ... يوم 14 \ 2
طبعا الناس و الحكومة و حتة الجلادين كلهم جانوا مقهورين عليه و مقابلين على هذا الحكم
بس القيصر جان قافل عليه و كال لو اني لو هوة بهل حياه
ورة معدموا و كملوا
رجعوا لكو كاعد بالزنزانه ماته
الحراس اتخبلوا
كالوا تونة عدمناك مين جيت انت
راحوا صاحوا القيصر
القيصر شافة صار بعقلة هوة
كلة احجيلي شون رجعت
و كان جواب فالنتاين قصير و واظح
(( مع تايد للغسيل مافي مستحيل ))
:p:p:p
بس اكو هوايه ميعرفون شنو فلم الفالنتاين ...مو ؟
اني راح احجيلكم القصة من طئ طئ للـــ مع السلامة عليكم
________________
كان يا مكان في قديم الزمان في العصور القديمة جدا جدا و تحديدا في مدينة روما (( عاصمة ايطاليا حاليا ))
كان اكو شاب وسيم جدا جدا (( حيل حلو )) اسمه فالنتاين و حته جانوا ايسموا مهند هلكد ما حلو
المهم
فالنتاين جان شخص محبوب جدا جدا من جميع كل الناس (( خصوصا البنات )) ايموتن عليه و جان هوة جدا طيب و يحل مشاكل الناس و يعالج الناس مع العلم هوة مو طبيب
بدة فالنتاين ايطك و يشتهر و الناس كامت كلهة تحجي عنه و صار الشخص رقم واحد بــ روما (( شون احنة عدنة يونس محمود ))
كام وين ميروح الناس يلتمون عليه
و صور و تواقيع و شغلات و من ذني السوالف
حتة وصل خبرة لــ قيصر روما
القيصر بدة يخاف منه
لان الناس كامت كلها تحبه
كام القيصر دز على رئيس المجلس البلدي مال منطقة بيت فالنتاين
و دار بينهم الحوار التالي ::
القيصر : يول يابة هاي شنو سالفة فالنتاين
رئيس المجلس البلدي : اشبي سيدي
القيصر : شو صاير احوال و الناس ماعدهم احجايه غيرة
رئيس المجلس البلدي : والله سيدس مادري شكلك ... اني هم دا اشوف نشف السي
القيصر : انت شتعرف عنه
رئيس المجلس البلدي : والله سيدي هوة خوش ولد و مالة شر على احد و بالعكس يحب يساعد و يخدم و بس
القيصر : يعني انت هيج تكول ؟
رئيس المجلس البلدي : اي سيدي اني عن نفسي هيج اكول
القيصر : اوكي
عاد عافة القيصر لــ رئيس المجلس البلدي لمنطقة روما (( منطقة بيت فالنتاين ))
بس القيصر ظل الفار يلعب بــ عبه
بقة ممرتاح لـ فالنتاين ...
فعاد دز على وزير الداخليه
و دار بينهم الحوار التالي ::
القيصر : اريدك تجمعلي معلومات عن هذا الي اسمة فالنتاين ..
وزير الداخلية : تأمر سيدي ... اني بخدمة الطيبين
الوزير صفن صفن صفن
شرب استكانين جاي و نص باكيت كلواز احمر و هوة حاير مديدري شون يجيب فالنتاين للدرب
بعدين جتي ابالة فكرة ...
الوزير جانت عدة بنية عميه (( متشوف ))
فشكال الوزير ...
خلي اوديله بنتي و نشوف شراح يكدر ايسويلها
اذا عالجها يعني هوة صدك خوش ولد و اذا معالجها يعني هوة كلاوجي (( نصاب ))
فــ الوزير اتنكر و راح لــ فالنتاين و كلة بلكي تعالجلي بنتي العميه
فالنتاين كال جيبه و الله كريم ولو سالفته مكيسه بس راح احاول
الوزير جاب بنته (( يكولون حاته مو قانونيه ))
لزمها فالنتاين و كام يقرة على راسها و يسويلها فيكات و شغلات و سوالف العيد
طب البنية فتحت
الوزير راد يتخبل
الوزير : صدك جذب ... معقولة ... لك فريتها كل اطباء العالم .. محد دبرهة
فالنتاين : شعبالك ... جا اني شويه
رجع الوزير للــ قيصر
و دار بينهم الحوار التالي ::
القيصر : ها يول شسويت
الوزير : والله سيدي اذا اكلك مراح تصدك
القيصر : شكو ؟
الوزير : سيدي بنتي العميه وديتها لــ فالنتين قرة عليها و كامت تشوف
القيصر : شنووووووووو ... صدك تحجي لو تشاقة ؟؟
الوزير : اي والله اشبيك سيدي ... و اذا متصدك اجيبها هسة كدامك
القيصر اتخبل ... صار عصبي ... كام ايكفر ... باك هوة من فالنتاين
القيصر بينه و بين نفسه كال هذا هسة الناس كلها تحبه باجر عكبه يسوي انقلاب عليه و ياخذ القيصريه مني
فخلي اتعشة بي كبل ليتغدة بيه
فالنتاين حس بالنكرة ...
عرف اكو شي
كام لم جوالاته و طك الاحصان و راح ختل يم عمامة بالبساتين
ورة يومين رجع ديشوف البيت و يجيك الوضعيه
شافة ابو الاسواق الي براس فرعهم
صاح عليه
و دار بينهم الحوار التالي ::
ابو الاسواق : فالنتاين تعال اكلك
فالنتاين : هلو .. خير شكو
ابو الاسواق : يمعود هاي وينك ... البارحة جتي لاندكروزرات اثنين جام مظلل ايسألون عليك
فالنتاين : شنووووووووو ... عليه اني
ابو الاسواق : لك اي
فالنتاين : زين مكالوا شيريدون
ابو الاسواق : لا والله بس كالوا وينه هذا .. كتلهم والله مادري بي وين
عاد راح فلنتاين للبيت لم شباقي عندة هدوم و شال فليساته و الجواز و اخذ تكسي ليم معرض بغداد و مناك اخذ صدر مال جمسي (( نفر بـ 70 $ )) و راح لباريس
وصل للحدود طمغ و كمل و عبر حدود روما و وصل لحد باريس طمغ و كمل ديكملون الطريق وكفتهم دوريه مال شرطة باريس
شافوا هويته مو ام الفسفورة رجعوا و كالولة متفوت حبيب يلا جر منا
رجع مرة لخ فالنتاين لــ روما و كعد يم بيت كرايبه لان يخاف ايروح لبيته لان الحرس سوو سيطرة براس فرعهم حتة من يجي ايصيدوا
طلع عاد ثاني يوم من الغبشة و اخذ تكسي ليم معرض بغداد و مناك طك نفر جمسي لــ المانيا
كملوا الطريق وصلوا لــ حدود باريس طمغ و عبر
وصلوا حدود المانيا
سئلة الظابط الالماني : دخلك عندك تقرير طبي
فالنتاين : لا
الظابط : زين عدك هوية غرفة تجارة
فالنتاين : هم لا
الظابط : دخذ جوازك و اكلب منا و ارجع لبيتكم
انصدم فالنتاين ::::: و اظطر يرجع مر لخي لــ ارض الوطن
رجع مرة لخ لـ روما
بس هل مرة كعد ابيت صديقة و محد من جماعته عرف هوة رجع
كلهم يدرون بي طفر
فراح سوة هوية غرف تجارة و كملها و قرر ثاني يوم يرجع لــ المانيا
فكال اريد كبل ما اسافر اروح اشوف البيت لان ايجوز بعد ما ارجع
راح لبيتهم متخفي
واحد من الجيران (( علاس )) عرفه
و رئستا راح علسه بالسيطرة
جتي 3 همرات و بايجرات ثنين مال حرس وطني و طوقوا البيت و لزموا
و اخذوا للشعبة الخامسة (( غرفة السعادة تحديدا ))
و هناك حكم على فالنتاين بالاعدام بدون تهمة محددة
و خلوا بزنزانه انفرادي الى ان اجة يوم الاعدام ... يوم 14 \ 2
طبعا الناس و الحكومة و حتة الجلادين كلهم جانوا مقهورين عليه و مقابلين على هذا الحكم
بس القيصر جان قافل عليه و كال لو اني لو هوة بهل حياه
ورة معدموا و كملوا
رجعوا لكو كاعد بالزنزانه ماته
الحراس اتخبلوا
كالوا تونة عدمناك مين جيت انت
راحوا صاحوا القيصر
القيصر شافة صار بعقلة هوة
كلة احجيلي شون رجعت
و كان جواب فالنتاين قصير و واظح
(( مع تايد للغسيل مافي مستحيل ))
:p:p:p