انا بلياك

[نبض آخر]

انا بلياك ملّت روحي مني
لاجفت دمعتي وسكت وني
شيضرك من تجيني
وترحم دمع عيني
تغنيلي ابفرح اوّياك اغني
انا بلياك ملّت روحي مني

انا بلياك ياضيم اليلومون
وعذالي بشماته من ينشدون
اذوبن وي شمعتي
تجاوبهم دمعتي
راح الچان ظلي وبعد عني
انا بلياك ملت روحي مني

انا بلياك وي شمع الصواني
اذوبن والجمر كلش چواني
انتظرك واريدك
يندكَ بابي بيدك
واحس اچفوفك بلهفة خذنّي
انا بلياك ملت روحي مني

انا بلياك عيشه وكَوة عايش
يكَطعني الحنين وصبر مامش
چاشنهي اليجيبك
وك ماچني حبيبك
غسلت اثنين اديه وخاب ظني
انا بلياك ملت روحي مني

[عيونك آخر آمالي]

اللللللللللللللللللله هذا الشعر اللي يحسسك بانك عايش بين اهلك


يكَطعني الحنين وصبر مامش
چاشنهي اليجيبك
وك ماچني حبيبك
غسلت اثنين اديه وخاب ظني
انا بلياك ملت روحي مني
يه انت كاعد بنص العراق واهله


والله لك مني احلى سلام معطر باحلى ايات الاعجاب بالكلام المطرز باحلى لهجة

[امير الحب]

الله يساعدك بلا المحبوب مشكورررررررررررررر