يوميات الاعضاء في شهر رمضان

[زمردة]

يوميات الاعضاء ([فقط الأعضاء المسجلين والمفعلين يمكنهم رؤية الوصلات]) في شهر رمضان


سوف يكون لنا لقاء كل يوم مع احد الاعضاء ([فقط الأعضاء المسجلين والمفعلين يمكنهم رؤية الوصلات]) ليحكي لنا عن يومه بداية من السحور

الى مابعد الفطور بالتفصيل يحكي لنا ماذا كان سحوره و فطوره

وماذا فعل بعد ذلك طيلة اليوم وكيف انقضى يومه الرمضاني

وننتظر كل يوم بعد الفطور لنقرأ هذه اليوميات

انتظرونا في رمضان

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

[ღ! غ̷ ـرور !ღ]

موضوع رااائع وفكرته جميلة جدا
عاشت الايادي زمردة
وانا بانتظاره لانه اكيد رح يكون مشوّق
تحياتي

[streanger_man87]

موضوع ايخبل
اني بأنتضاره وانتضار كل ابداعاتج خيتي زمرده

[زمردة]

[فقط الأعضاء المسجلين والمفعلين يمكنهم رؤية الوصلات] FKv4Diq6Fd_HOkdb53E ([فقط الأعضاء المسجلين والمفعلين يمكنهم رؤية الوصلات] 5B1%25D8%25A7%25D8%25AA%2B%25D8%25B4%25D9%2583%25D 8%25B1%25D8%25A7%2B%25D8%25A8%25D8%25A7%25D9%2584% 25D8%25B5%25D9%2588%25D8%25B1%26hl%3Dar%26sa%3DG%2 6biw%3D894%26bih%3D487%26gbv%3D2%26tbm%3Disch&itbs=1&iact=hc&vpx=498&vpy=148&dur=1035&hovh=221&hovw=228&tx=99&ty=138&page=23&ndsp=8&ved=1t:429,r:4,s:219)




امبراطورة
شكرا للمرورالجميل بين صفحات موضوعي

تــ ح ــياتيـ لكــ
كل الود والتقدير

[فقط الأعضاء المسجلين والمفعلين يمكنهم رؤية الوصلات] 1y ([فقط الأعضاء المسجلين والمفعلين يمكنهم رؤية الوصلات] 5B1%25D8%25A7%25D8%25AA%2B%25D8%25B1%25D8%25AF%25D 9%2588%25D8%25AF%2B%25D8%25A8%25D8%25A7%25D9%2584% 25D8%25B5%25D9%2588%25D8%25B1%26hl%3Dar%26sa%3DG%2 6biw%3D894%26bih%3D487%26gbv%3D2%26tbm%3Disch&itbs=1&iact=hc&vpx=321&vpy=152&dur=883&hovh=156&hovw=167&tx=111&ty=64&page=14&ndsp=8&ved=1t:429,r:1,s:98)

[زمردة]

[فقط الأعضاء المسجلين والمفعلين يمكنهم رؤية الوصلات] FKv4Diq6Fd_HOkdb53E ([فقط الأعضاء المسجلين والمفعلين يمكنهم رؤية الوصلات] 5B1%25D8%25A7%25D8%25AA%2B%25D8%25B4%25D9%2583%25D 8%25B1%25D8%25A7%2B%25D8%25A8%25D8%25A7%25D9%2584% 25D8%25B5%25D9%2588%25D8%25B1%26hl%3Dar%26sa%3DG%2 6biw%3D894%26bih%3D487%26gbv%3D2%26tbm%3Disch&itbs=1&iact=hc&vpx=498&vpy=148&dur=1035&hovh=221&hovw=228&tx=99&ty=138&page=23&ndsp=8&ved=1t:429,r:4,s:219)




حسين
شكرا للمرورالجميل بين صفحات موضوعي

تــ ح ــياتيـ لكــ
كل الود والتقدير

[فقط الأعضاء المسجلين والمفعلين يمكنهم رؤية الوصلات] 1y ([فقط الأعضاء المسجلين والمفعلين يمكنهم رؤية الوصلات] 5B1%25D8%25A7%25D8%25AA%2B%25D8%25B1%25D8%25AF%25D 9%2588%25D8%25AF%2B%25D8%25A8%25D8%25A7%25D9%2584% 25D8%25B5%25D9%2588%25D8%25B1%26hl%3Dar%26sa%3DG%2 6biw%3D894%26bih%3D487%26gbv%3D2%26tbm%3Disch&itbs=1&iact=hc&vpx=321&vpy=152&dur=883&hovh=156&hovw=167&tx=111&ty=64&page=14&ndsp=8&ved=1t:429,r:1,s:98)

[النجمة المضيئة]

السلام عليكم جميعاً
رمضان كريم على جميع اعضاء ومشرفي وزوار منتدانا الغالي
يسعدني ان اكون اول المدعوين لهذا الموضوع الجميل

[فقط الأعضاء المسجلين والمفعلين يمكنهم رؤية الوصلات]

بما انو اليوم اول يوم من شهر رمضان الكريم
ظلينه اني والاهل سهرانين لوقت السحور
ساعدت ماما بتحضير وجبة السحور تسحرنا وكملنا والحمد لله وبعد الانتهاء من السحور قمت غسلت الصحون ونظفت المطبخ وبعد ذلك رحت توظيت وقريت كم صفحة من القرآن الى ان حان وقت آذان الفجر صليت وقريت ايضاً كم صفحة من القرآن الكريم
بعد ذلك رحت نمت
كعدت يمكن ساعة 1 الظهر 00 اول مبديت رحت توظيت وصليت صلاة الظهر بعد ذلك عدلت البيت والحمد لله كان نظيف واليوم فرحانة لان ماما كانت متواجدة بالبيت لان الحمد لله انطت الحكومة عطلة رسمية لكافة الدوائر بمناسبة شدة الحر في العراق
كنت كلش فرحانة وسعيدة لان متواجدة بالبيت 00 ماما جهزت الفطور 00 واني شويه فتحت النت وشفت شكو ماكو 00 بعد ذلك دخلت للمطبخ اساعد ماما بشغلات خفيفة مثل تحضير السلطات والعصائر هاي من اختصاصي لان اني كلش احب السلطات
بعد ذلك صار وقت الفطور اول شي فطرت ع 3 تمرات وكلاص لبن وبعد ذلك توجهة لصلاة المغرب صليت والحمد لله ورجعت كملت فطوري
بعدها اخذت المواعين وغسلتهم ونظفت المطبخ ونظفت البيت ايضاً يعني كملت كل شغلي
والحمد لله وكانت ماما راضية علية وتدعيلي الحمد لله ع دعاء ماما اليه
بعدها صليت العشاء
واجيت هسه فتحت نت
وهذا كان يومي والحمد لله
باجر ما اعرف هل يكون جدولي مثل اليوم اولا 00
الله اعلم

يسلموو زمردة على الموضوع الجميل
وكل عام وانتم بالف خير وسلامة

[فقط الأعضاء المسجلين والمفعلين يمكنهم رؤية الوصلات]

النجمة المضيئة

[R-K]

الله نجمة كم احب ان اقرء ماتكتبيه ولله يسعدني كثيرا الي تكتبه
اسال الله ان ايوففقك وتنالين افضل الدرجات في الاخرة واكيد نيل رضاء الوالدين ..
ودي

هسة يومياتي ...


السلام عليكم

رمضان كريم ع كل الاعضاء الكرام اسال الله ان يعيده علينا بالخير والبركة

طبعا احنة منتسحر ابد فيومي راح يبدء عندما استيقظت من النوم بسبب الحر اكيد الساعة 9 كعدت

اكيد صبحت علة والداي

وبعدين سويت شغلي

فتحت النت لمدة ربع ساعة وصارت عدنة طلعة رحنة زرنة احد الامة الاطهار واكيد ذكرتكم ودعيتلكم داخل العتبة الطاهرة وقريت قراءن وصليت الحمدلله قضيت نص نهاري بالعتبة طلعت الساعة ب 11 ورجعت ب 4
ارتاحيت وغسلت وبعدين فتحت النت دورت ع النتائج للخمسة
وتوضيت وقريت قراءن لنص ساعة وبعدين كمت اشوية ساعدت امي الغالية واختي بتحضير الفطور وهكذا
الحمدلله ضرب المدفع ورحت اركض للمي لان الصراحة انتهيت من ورة الطلعة الي طلعتها
بحيث حلفت بعد ابد ما اطلع الضهر ابشهر رمضان ..
وراها اكيد صليت المغرب وبعد مااكملت الصلاة كملت فطوري الي جان عبارة عن بطل ماء وكلاص شربت ووكلاص لبن وخاشوكتين تمن لاغير ..اكيد لان شبعت من المي هع

كمت حطيت القوري مال شاي ع النار وصليت صلاة العشاء
ولميت السفرة عزلت المطبخ مع اختي وراها اخذت نستلة 2dayوشربت وفتحت النت واشوية باوعت تلفاز مسلسلة ادم وليلى واحنا الطلبة مقتطفات لاغير

وهكذا كان يومي والحمد لله
واسغفرة ان عصيته بشيء خلال يومي هذا
مع السلامة

[النجمة المضيئة]

الله نجمة كم احب ان اقرء ماتكتبيه ولله يسعدني كثيرا الي تكتبه
اسال الله ان ايوففقك وتنالين افضل الدرجات في الاخرة واكيد نيل رضاء الوالدين ..



شكرااا غاليتي
ع كلامك الجميل وهذا من ذوقك الرائع والرفيع
دمتي بحفظ الرحمن



محبتي

[زمردة]

الف شكر للنجمة المضيئة على يومها الرمضاني الممتع

والله يخليلج الوالدة الفاضلة ويستجيب دعاءها لك

وكل عام وانتي بالف خير ورمضان كريم

[زمردة]

الف شكر للغالية رانيا على مشاركتها الجميلة

بس لازم تاكلين وتتغذين علمود ميصير فقر دم

يعني مو بس شرب سوائل

ورمضان كريم

[زمردة]

ارجو من الاعضاء الكرام عدم المشاركة الا بدعوة

لاني حاسبتهه كل يوم عضو علمود المشاركة

تكون في كل ايام رمضان

والدعوة اليوم لنبض اخر

وبانتظاره وراء الفطور

[نبض آخر]

السلام عليكم اختي الغاليه


اولا رمضان مبارك عليج وع كل الاعضاء الكرام

وثانيا شكرا ع الدعوة ,, واشكر حرصج ع المنتدى وأكيد هذا رصيد الج لانو هنا العراق منكم واليكم

بخصوص يومي بشهر رمضان رح ابدأ بي من السحور لحد الليل باليوم التالي


طبعا نكعد ع السحور بعد ساعه 3 يعني تقريبا وربع هيجي ! اتسحرت يوم أمس وفتحت الحاسبه كعدت اصمم صورة
سؤال المسابقه وعيوني مقفله من النعاس ههههه

وبعدها نزلت موضوع المسابقه وبعدها صارت الصلاة صليت ونمت

والمنبه ع الساعه 7 الصبح لانو دوامي ب 8 لازم اكون طالع صحيت الساعه 7 كملت اموري واجه صديقي اخذني وطلعنه لدوام

شويه الشوارع ازدحامات والحرارة مليون !! بس الحمد لله السياره مكيفه وما نحس بالحرارة وصلنه قريب ال 9 ونص لدوام

كعدنه نكمل امور العمل صارت الساعه 12 وشويه توجهنا للصلاة صلينا الظهر وقريت قرآن جزء واحد والحمد لله وبعدها

اتوجهت لعملي كملته صارت الساعه 3 وشويه طلعنه دنرجع للبيت ,, وصلت الساعه 4 تقريبا , رأسا ع الحمام لان الحراره

فوووول وصايمين وعندكم الحساب .. نمت بعدها لحد الساعه 6 وربع حوالي بقيت انتظر هالساعه اتفرج تلفزيون لحد مصارت صلاة المغرب

فطرت لبن وتمر ,, وصليت المغرب علما يجهز الفطور ,, كملت فطور والحمد لله اتفرجت تلفزيون لحد ساعه 9 وبعدهه طلعت بشغل رجعت الساعه 11 للبيت رأسا ع الحاسبه ,, استلمت اجابات الاعضاء وسجلتهه يمي وسويت قرعه ببرنامج اختيار عشوائي
ونزلت بعدهه موضوع الجواب واعلان الفائزين

بقيت اتصفح بالموقع واشوف رسائل وطلبات الاعضاء وان شاء الله ما اكون مقصر ويه الكل

وهسه الساعه 1:44 ص واني نعسان حيل ههههه اروح انام ورانه كعده ع السحور وع الدوام

اشوفكم بخير واسف ع الاطاله

وشكراا زمرده ع الدعوة

موفقه

ودي

[زمردة]

الف شكر نبض اخر على المشاركة الجميلة

والله يجزيكم بصبركم وصيامكم في ايام الحر

الشديدة وتفرج ان شاء الله

وشكرا لمتابعتك للمنتدى واعضائه

[زمردة]

الدعوة اليوم للغالية الامبراطورة

نورينه حياتي بعد الافطار ومية هلا

[ღ! غ̷ ـرور !ღ]

شكرا على الدعوة عزيزتي زمردة
لكن لازم بعد الافطار؟ :)
لأن بعد الافطار ما اعتقد رح ادخل للمنتدى >>>>>> تشاهد تلفجن :)

يوميتي هي كالآتي

اصحى من النوم الساعة 8 ص واجهز نفسي عشان اروح الدوام
وموعده الساعة 9 ص لكن انا ما اوصل الا الساعة 9 ونص مشوار الطريق واحيانا 10 ص في حالة لو صحيت متاخرة
لو يحسبون ساعات التاخير رح اطلع بسنة كاملة تاخير :)
المهم
اروح الدوام وابدأ ارتب الاوراق واشوف الشغل اللي ناقص اكمله واذا فيه جولات او اجتماعات او محاضرات ابدأ احضر لها
او اذا ما فيه افتح النت لين صلاة الظهر اصلي واقرأ قرآن وادعية وبعدها اكمل شغلي لين ينتهي الدوام الساعة 3 م
اوصل البيت واغير ملابس العمل ودايركت للتلفزيون او النت اجلس فيه فترة وبعدين اروح اخلص بعض الامور بالمطبخ ونبدأ نجهز السفرة استعدادا للفطور وبعد اذان الفطور اكل شي بسيط واروح اصلي وبعدها اضرب بالخمس لين املي المعده وبعدها اروح اشاهد تلفزيون لين الساعة 9م وبعدها افتح نت على هنا العراق لين الساعة 12 ص وبعدها اروح اجلس مع الاهل سوالف ومشاهدة واكل ومكسرات وشاي وقهوة وعصيرات يعني تصير الجلسة ممتعة لين الساعة 2 ص وبعدها نحضر للسحور اتسحر وافتح نت ساعة تقريبا لين أذان الفجر اصلي واقرأ قرآن وأدعية وارجع افتح نت لين تقفل عيوني وانام لين الساعة 8 ص وبداية دوام جديد..احيانا تكون فيه طلعات تسوق او طلعات ترفيهية على حسب جدول العائلة :)

وتقريبا هذي هي يومياتي بشكل مفيد ومختصر مع العلم بحدوث بعض التغييرات الطفيفة على اليومية يعني اكيد مو كل يوم احداثة مثل اللي قبل ورمضان كريم على الجميع

دمتم بخير

[زمردة]

مشكووووووووووورة حبي ثريا

يومياتك حلوة

ورمضان كريم

[زمردة]

الدعوة اليوم لكاتمة العبرات نورينه حياتي بعد الافطار

[เภภ๏ςєภt ђєคгt]

السلام عليكم ورحمة الله وبركاته


شلونكم شاخباركم انشاء الله زينين

رمضان كريم علينا وعليكم وصيام مقبول انشاء الله

خلي نبدي من الفجر يعني وكت السحور نكعد ب3 وربع للسحور نسحر وراها اقرة قران الى ان يصير وقت الصلاة اصلي مرات

افتح نت شويه ورة الصلاة انام لل10 تقريبا اكعد كبل للتلفزيون الى ان يصير وقت صلاة الضهر اصلي واقرة قران وراها افتح

نت طبعا افتح المنتدى هنا العراق وراها اساعد ماما بالفطور ونبقة ننتظر الاذان نفطر طبعا مي وعصائر وراها اصلي وبعدين

وراها نحضر الفطور وناكل وبعدين افتح نت ع المنتدى واشوف وجوهكم الطيبه وخلص عاشو عيشه سعيدة

شكرا زمردة حياتووو ع الدعوة تسلمين يا وردة

تقبل الله صيامنا وصيامكم واعمالنا واعمالكم

تحياتي

[زمردة]

الف شكر كاتمة العبرات على اليوميات

يسلموووووووووووووووووووو حياتي

[زمردة]

الدعوة ليوم غد للوردة الذهبية

بعد الافطار ومية هلا بيج

[الوردة الذهبية]

تسلمين حبيبتي وانشاء الله
البي الدعوة غدا

[الوردة الذهبية]

السلام عليكم
كل عام وانتم بالف خير
حبيت اشكر الاخت زمردة على دعوتها الي اليوم للتكلم عن يومي الرمضاني
نبدي من السحور نسحر الساعة ب 3 تقريبا ورة من نسمع المسحراتي الي مشكور على تعبة وبعدين ننتظر الى الاذان نصلي الفجر ونقرأ قران الى ان انعس وانام
الصبح اكعد الساعة ب8 اقوم بعمل الاعمال المترتبة علية بهذا اليوم كل يوم يختلف عن الي بعدة لان بصراحة مقسمة الاعمال بصورة كاملة على عدد ايام الاسبوع
كل يوم الة اعمالة الخاصة لان احب الترتيب والنظام بصورة غير طبيعية
بعده اصلي الظهر واقرأ القران وادعية ثم ادخل للنت اتصفح واشوف اخر الاخبار بكل مجالات الحياة وأكيد ادخل للمنتدى واشوف اخر مشاركاتكم الحلوة واشارك وياكم ب5 ابدي بتحظير الفطور والعصائر وكافة المستلزمات الاخرى وننتظر مدفع الافطار حتى نفطر مع الاهل ثم نرتب المطبخ ونكعد نشاهد التلفاز ونتابع المسلسلات المعروظة بالشهر الكريم ونأكل الحلويات وخصوصا الكنافة هذا الكلام يستمر لل10 بعدها ادخل للنت لل12 ثم يحين وقت النوم والاسترخاء الى السحور وهكذا بس اكيد اصادف امور اخرى كطلعة او زيارة او عزومة
انشاء الله كنت اليوم ضيفة خفيفة وما ازعجتكم.............ودي للجميع
ملاحظة<زمردة حبي الموضوع اضطريت انو انزلة هسه لان ما استطيع الدخول مباشرة وره الفطور فتقبلي اعتذاري>

[فقط الأعضاء المسجلين والمفعلين يمكنهم رؤية الوصلات]

[زمردة]

شكرا الوردة الذهبية على مشاركتك الحلوة

مو مشكلة نزلتي الموضوع هسه

المهم شاركتينه بيومياتك

ورمضان كريم

[زمردة]

الدعوة ليوم غد ان شاء الله ابراهيم اورتن

[IBRAHIM ORTON]

السلام عليكم

حبيت اليوم ان البي دعوة زمردة واحضر لاكتب يومياتي في رمضان

نبدي من السحور
ننتظر المسحرجي حتى يدك الطبل وبعدين نكوم نسحر وراهة نصلي ونام

واكعد الصبح الساعة 12 ونص اغسل وجهي افرش رأ سآ اروح اصلي وراهة اكعد ع النت الى ال2 وراهة ل 3 اباوع مسلسل مصري فلاحي حلو
وراهة اكعد ع النت لل 5 واهة اروح ايدزوني اهلي حتى اجيب جم غرض وراهة يحين وقت الفطور نفطر ونصلي

وره الفطور اطلع يم جماعتي او تصادف طلعة نطلع وبال 9 اكعد ع النت لل11 وراهة اقرة قرآن واباوع ب 12 مسلسل حلو وراهة انجطل للسحور وهكذا

[زمردة]

شكرا ابراهيم على يومياتك الحلوة

ليهسه اكو مسحراتي ؟؟

صدفة بارحة شفته ماعرف على اي قناة

واستغربت انه لحد الان موجود
الناس ممحتاجة اللي يكعدهه للسحور

اكو ساعات واكو مبايلات تتوقت

ورمضان كريم ياهيمة الوردة

[زمردة]

الدعوة ليوم غد للعزيزة زنزونة

غدا بعد الفطور ومية هلا بانتظارك

[زمردة]

زنزونة ماكو راح ادعو الاخ سترينجر

يللا حسين ويييييييينك

[zanzoona alkaissi]

رمضان كريم علينا وعليكم
والله ماسوي شي من وقت السحور نتسحر ونقرا قرءان شوية ونتفرج وراها للصبح وراها انام واقعد على الفطور ونتفرج مسلسلات وهكذا
وشكررا الكم ع الموضوع اللحلو

[streanger_man87]

السلام عليكم ورحمه الله
شكراً خيتي الغاليه على الدعوه الحلوه
يومياتي برمضان كـــ الآتي:
اتسحر وي الاهل ع الساعه ب 2 ونص وراها اكعد اسولف وياهم للساعه 3 او 3ونص
ادخل اسبح واتوضه واجهز نفسي للصلاه...
اصلي واقرى قرأن ....
وراها اكعد ادرس للسمستر الجاي شوي طبعا لان زهكت من الدراسه ....
وراها انام
اصحى ع الساعه 3 واكعد اسولف وي الاهل شويه
وراها اطلع اتمشى بلسياره واروح ع البحر لحد قبل الاذان بشوي...
اروح اتفطر واباوع كم مسلسل...
وراها اكعد ع النت وافتح هنا العراق طبعا وارفع كم فلم .... اثناء ما اباوعهم....
واسولف وي خواتي الغاليات بلمنتدى واخواني وحبايبي...
وراها افتح البلايستشن وادخل ع النت وورك واشوف شنو نازل جديد ..... اكعد العب
..... طبعا هذا رومضان اختلف عن كل السنين البقيه
لان مسافرت ولا مكان وربعي كلهم مسافرين واني لوحدي....
يمكن اسافر وره 15 رمضان اسويلي جوله
ع قطر ويمكن البحرين والله اعلم...
راح اشتاقلكم هوايه طبعاً .....
ارجع اكمل دراستي والله يعيني ويعين الجميع...
ورمضان كريم عليكم مره ثانيه
وعليج يا احلى اخت....زمرده الورده....
تحياتي للجميع

[زمردة]

شكرا زنزونة

يومياتك اقصر وحدة

وتسلمين على المشاركة

ورمضان كريم

[زمردة]

شكرا حسين على اليوميات

تروح للبحر يم الرطوبة والحر ؟؟

الله يساعدك

ورمضان كريم

[زمردة]

وادعو العزيزة ميمة للمشاركة بعد الفطور

بانتظارج وردة

[memalove]

السلام عليكم ورحمة الله
اول شي اريد اشكر الاخت الغالية زمردة ع الدعوة

يوميات رمضان
كل يوم اتسحر ع ساعة 3 وبعدها اقرا قران وادعي الى ان يااذن اصلي وانام
وبعدها اصحى ع ساعة 10 ابدي شغل واني اكثر شي احبة هو الطبخ تلكيني بالمطبخ كاعدة اخترع وصفات
وبعدا اصلي الظهر وادخل النت ع المنتدى ابحث عن مواضيع وانزلهاا وكذلك اسولف وي الاخوان ولاخوات الاعزاء
وبعدها يجي الفطور الحمدلله نفطر ونخلص ورهااكعد ع النت شوي وبعدين اطلع بالسيارة افتر لو اطلع اي مول اشوف صديقاتي
نتجمع بكافيه وبعدها ارجع استلم المسلسلات لليل ....وانشالله بعد نص رمضان يكون عندي عيادة والاغلب في الصبح تكون...
وهكذا ....يومياتي

[زمردة]

شكرا ميمة على اجابة الدعوة

وشكرا على اليوميات الجميلة

بس معرفت تفتحين عيادة شنو ؟ طبية ؟

وهل انتي مكملة دراسة ؟ لان عمرج 21 فقط ؟

[memalove]

اي حبيتي انا ادرس طب اسنان مرحلة ثالثة
و يكون عندي تدريب بالعيادة طبعا اكيد موعيادتي
بس اتكون بمركز خاص بالاسنان

[زمردة]

اوكي شكرا ميمة على التوضيح

لان احنه عائلة واسرة متحابة ونحب نعرف عن الاعضاء اكثر

[Đя.Иǿgά »]

شكراً مرة اخرى حبيبتي زمردة على الموضوع الشيق .. واعتذر لتأخريي بالمشاركة

..

ـأني اليوم صحيت الظهر الساعه 2:00
قمت بترتيب البيت والاستحمام .. بعدين انا ووالدتي قمنا بتجهيز الفطور
فطرنا اليوم .. [ كباب عروكَ .. طماطة مكَـلاية .. شوربة عدس .. أكله اسمها عرآيس .. لبن وتمر .. عصير ليمون .. ومي وخبر ]
واتفرجت فوازير مريام وي الفطور
غسلت مواعين الفطور .. وسويت جآي
بدأ كارتون العتاكً ..
بعدين قرأت قرآن .. وتفرجت مسلسل "بوكريم بركبته اربع حريم على ام بي سي ..
وكعدت مع عائلتي شوية ..
خابرت صديقتي ..
بعدين اتفرجت مسلسل " الباب الشرقي ..
وفتحت نت قبل شوية
وهسه دا ارد ع الموضوع
ابقى للسحور كاعدة وبعدها اصلي الفجر وانااامـ ^_^

اتمنى مادوختكم ..

تحيتي ..

[زمردة]

شلون تدوخينه عيني نوكة معقولة انتي تآنسين وتنورين

شكرا على المشاركة وتدرين اني احب العرايس

بس مالي خلك اطلع برمضان

والاكلة دهينة كلش واني ماحب الدهن يأذي القولون مالتي

ومع ذلك من تصحلي فرصة اكلهه وخاصة في مطعم عمان الكبرى

ورمضان كريم

[زمردة]

ادعو العضو ابو نايف وشكوت ميصحله الوقت يشارك

مية هلا بيك منتظريك اخوية

[زمردة]

ابو نايف غير موجود راح ادعو طائر السنار ونشوف

[ادمنتك]

السلام عليكم ورحمة الله وبركاته

اما انا حكايتي حكايه ما لها مثيل ههههههه

والله مو عارف من وين ابداء معكم

بس انام الساعه 4 ونصف الفجر وصحي الساعه 6 الصباح وجلس اقراء قران او اكتب عن هاجس

وبعدها الين ما يذن الظهر اصلي وناام الين المغرب وبعد ما افطر واصلي ورجع اناام الين صلاة العشاء اروح اصلي وترووح

وبعدهاا اذهب الى العمل في الشركه وقضي وقتي طول الليل في الشركه الين الساعه 2 ونصف لليل

ومرات اذهب الى صديق اجلس معه لمدة ساعه وطلع منه ..

وبعدهاا اذهب الى المنزل وتسحر اي شي موجود انا مو من النوع الي يتشرط في الطعاام اي اشي موجود اكله

وبعدين بخصوص شهر رمضاان انا قليل لاكل مررره وهذا الشي يتعبني مررره

وكل هذا طول شهر رمضان انا على كذاا

وشكرا يا اختي على هذه الدعوه لقد اسعدتني بهاا كثيرر

سيدتي زمرده الف شكر وعرفاان لج

تحياتي القلبيه للجميع اخوكم تميم أدمنتك

[أبــن ديــــــالى]

شكر زمرده على الدعوه
واعتذر عن التأخير لعدم تواجدي
يوم امس صحيت من النوم الساعه 7 صباحا"
وبقيت العب مع اطفالي لحد الساعه 12 الظهر
صليت ونمت وصحيت الساعه الرابعه عصرا"
رحت اسوكت الحاجات الي يردوه بالبيت ورجعت
بعدين طلعت ومعاي ابني سيف ورحت يم اصدقائي
ورجعت قبل الفطور بدقائق من صار الفطور اعتيادي
مباشرة شربت لبن واكلت تمر وبعدين تناولت
صحن دولمه وتحولت انوب على التشريب وصفته على ايدي
وبعده نص ركيه بارده وبعدين دبل كلاص شاي وردت اكوم
اغسل ماكدرت حسيت نفسي دايخ شربت سيكاره ثانيه كلت
حتى انسطر فد مره وبعد ما ارتاحيت كمت صليت وبقيت اتابع
المسلسلات لحد اخر مسلسل ابو كريم برقبته سبع حريم
والساعه 11 مساء" حسيت نفسي جوعان اكلت حلويات(بقلاه وزلابيا)
وشربت ماي وتمددت على الفراش وكالعاده منهجي اليومي في كل
يوم من حياتي قبل النوم اقرأ الفاتحه ثم المعوذات ثم صورة الكرسي
ثم صورة الملك ثم اذكار المساء بعدها النوم الى ان يأتي وقت السحور
الساعه الثالثه صباحا اتسحر وكلاص شاي ثم سيكاره ثم الصلاه ثم
توجهت اليوم الى محل العمل
والحمد لله على كل شيء

[ابو نايف]

الف شكر اختي الغالية على الدعوة واسف على التاخير

اني بعد السحور ابقى اصلي واقرة قران لحد الاذان بعدها انام لحد ساعة 10 الصبح بعدها اكعد على النت لحد ساعة وحدة الظهر تقريبا
بعدا اتفرج تلفزيون لحد ساعة اربعة العصر بعدها اقرة قران لحد ساعة خمسة ....بعدها اساعد اهلي واذا يحتاجون شي من السوك او من برة اجيبة لحد الفطور بعد الفطور اقرة قران لحد اذان العشى وبعدها اطلع وية اصدقائي لحد ساعة 11 بليل وبعدها ارجع للبيت واتفرج تلفزين لحد السحور ...وبهيجي يخلص يومي

[زمردة]

الف شكر ابو نايف على المشاركة

ورمضان كريم

[زمردة]

شكرا ادمنتك
ياتميم
تقضي اليوم كله نايم والله زين
هههههههههههههههه
ورمضان كريم عليك

[زمردة]

ابن ديالى ابو سيف

شكرا للمشاركة الجميلة

واللي يشرب جكاير تصير صعبة عليه مو بالله ؟؟

ورمضان كريم

[أبــن ديــــــالى]

اي والله خيتو زمرده
صحيح كلامك
اصعب شي هو الاحتياج
للسيكاره
تحيتي الاخويه مره ثانيه
لشخصك الكريم
دمتي برضاء الخالق

[مغرورة بحبك]

طبعا اول شي اني جدا اسفه من زمرده لان البارحه ما اجيت بس كن مريضه جدا

اما اليوم اني كلت لازم اجي اكتب باليوميات

طبعا صار يومين او اكثر يكعدوني بالسحور وما اكعد لان انام متأخره شويه ويروح عليه

السحور وابقه اليوم كله جوعانه اكعد الصبح ساعه 7 على المنبه بالتلفون يدك ارجع اطفيه

واكعد ساعه 7 وربع من تنطفي الكهرباء كوه اكوم من الفراش لان نعسانه بس عندي دوام ابدل

وانتظر السياره تجي عليه اطلع ساعه 7 ونص الى الدوام اروح هناك ابقه الى الساعه 11 تقريبا

لان رمضان لذلك ارجع من وقت هم انتظر السياره تجي ترجعني عاد بس ارجع للبيت اخذ دوش لان

تعبانه من الحر والصيام اطلع من الحمام اروح اتمدد بفراشي لو انام لو ابقه كاعده يعني حسب

الاوضاع بعدين انتظر الاذان اصلي الظهر وابدي اشوف تلفزيون لو ادخل على النت الى

الساعه 3 الظهر انام تقريبا ساعه او ساعتين اكعد هم ساعه 5 من تنطفي الكهرباء ادخل للمطبخ

بعد ابدي احضر الفطور اهم شي عدنا بالبيت الشوربه وباقي الاشياء عاديه اما نواشف يعني كبه

او بورك او بيتزا او كباب يعني هيج اشياء وممنوع التمن والمرق بجميع انواعه الا اذا جان يمنا خطار ..

اخلص تحضير الفطور ادخل اسبح مره ثانيه لان تدرون بالمطبخ وحاره وانتظر الاذان

طبعا الكل بالبيت يروح يصلي واني ارجع للمطبخ احضر السفره والاكل وبس يخلصون صلاه

اني اروح اصلي وتجي اختي الصغيرة تاخذ المواعين للسفره واني اروح اصلي وبعدين اجي افطر

ابدي اشرب لبن وتمر ولو اكل شوربه لو ما اكل هاي صار يومين تقريبا هيج لذلك صحتي كلش تعبانه

اخلص الفطور مباشرة انام لان بعد ما اتحمل ابقى كاعده على الاقل فد ساعه بعدين اكعد افتح نت


واليوم اجيت مباشرة على موضوع زمرده بس حتى اجاوبها لان ادري بيها حبابه ومتزعل

هاذه خلص اليوم هيج طبعا اقره قران بعد صلاة الصبح ولان مدأكعد للسحور صار يومين فما اقره

واعتذر مره ثانيه ورده ع التاخير وان شاء الله اكون ضيفه خفيفه وما طولت عليكم

[زمردة]

سلامتج عيني مغرورة متستاهلين المرض

بس ليش متكعدين عالسحور مو زين هيجي

بعدين صحتج تتعب ومثل مشفتي شنو صار بيج

وجماله عندج دوام والجو كلش حار

والله يساعدكم يا عراقيين وياربي يجازيكم احسن الجزاء

برمضان بسبب الحر وانقطاع الكهرباء

وشكرا جزيلا عيوني

ورمضان كريم

[مغرورة بحبك]

اني صار عندي برنامج بسبب الكهرباء يعني الصبح اكعد من تنطفي الكهرباء واروح للدوام

والعصر ايضا من انام الظهر ايضا اكعد ب 5 من يطفي ابو المولده يعني حياتنا صار المحور مالتها تقريبا الكهرباء

شكرا وردتنه ع الاستضافه ولو اجيت متأخره شويه

[طائر السنار]

السلام عليكم ورحمة الله وبركاته
اولا اسف للتاخير على الرد على الموضوع

كل يوم اكعد بعد السحور والصلاة اروح للدوام الساعة 7 وارجع الساعة 2 بعد الظهر
اكثر الاوقات اقضيه بالامور الاجتماعيه بين اصدقائي وافربائي وهم ما الح اكملا الي عندي
تحياتي للموضوع ولك زمردة جزيل الشكر والتقدير

[زمردة]

هاي شنو انس ممقبولة هاي المشاركة

كلش قليلة المفروض تكتبلنه من السحور للفطور شنو سويت

وشنو اكلت بس بكيفك اذا متحب المشاركة

ورمضان كريم

[زمردة]

الله يساعدكم يامغرورة على انقطاع الكهرباء

وعلى الحر الله ينتقم من اللي همه السبب

يعني قابل يريدون يصعدون للقمر

هي كهرباء

استغفر الله العظيم

تفرج ان شاء الله

[سعد الدليمي]

صباحوووو

كل الشكر والتقدير لك

اختي العزيزه

للدعوه واسف لانه ماكنت متواجد

لانه مشغول كلش

راح نبدأ نكعد ساعه 3 على صوت الموبايل

تبدأ رحلة طركعة الاطباق هههههه

يجهز السحوور اني دائما اتسحر على اللبن

لانه خفيف على المعده

وراها اتوضى واصلي كم ركعه الا ان يحين موعد الآذان

اروح للمسجد اصلي الفجر

ارجع اقرأ سورة ياسين

اتكلب شوي بالفراش اغفى مرات اكعد 8 اروح للمكتب مرات اثولها ههههه

وانام للساعه 2 اكعد اصلي الظهر

اقرا ماتيسر من القرأن

ساعه 4 اروح للنهر نكعد مع الاصدقاء ونسبح شوي

ارجع قبل الفطور بساعه اجيب ويياي شو شتوصيني اميرة البيت من متطلبات

لانه اعتبره أوامر نافذه

ههههههه

كعدت ساعه 6 وربع لكيت دعوتج كولت شنو راح يخلصني

ههههههه لانه اكيد زمرده راح تتصل بالدكتوره وتكول الها

سعد ماكو وتلبش بالتحقيق

ههههه وراها انتظر الافطار واساعد ام البيت بترتيب السفره مو خوف طبعا ههههه

واول ماأذن على اللبن والتمر وتنولنا الشوربه

وخبز العروك وكانوا طابخين الي

برياني احبه كثير

وصلينا المغرب وبعدها وجاء اذان العشاء

وصليت وراها التراويح

رجعت حليت شوي وطلعت مع اميرتي الى بيت الاهل اتعللنا وجينا

توته خلص يومنا الرمضاني

ههههه

[ღ! غ̷ ـرور !ღ]

سعد صاير إمام مسجد ماااا شااااءالله
معليش يا زمردة على المداخلة اريد اسئل سعد شنو معنى تعللت؟
وهم انتبه على سحكاتك ترا وراك ناس هوايتها صيد السحكات..مثلي :)

[زمردة]

شكرا سعد على اليوميات والمشاركة

احنه افتقدناك كلنه سعد وينه ؟؟

وصارلي هواية محاجية وي رانيا لان ماكو وقت برمضان

على طول اني مشغولة

واريد اكلهه لغرور معنى كلمة تعللت ؟؟

معناتهه يعني سهرت او كعدت وي الاهل

او قضيت وقت يعني بهذا المعنى

والف شكر ورمضان كريم

[دكتوره رانيا]

سعد صاير إمام مسجد ماااا شااااءالله
معليش يا زمردة على المداخلة اريد اسئل سعد شنو معنى تعللت؟
وهم انتبه على سحكاتك ترا وراك ناس هوايتها صيد السحكات..مثلي

هههههههههههه ماتلامين ب سعد
صاير امام جامع على كولتج
هذه خوش معلومه غرور هههههه
اكيد راح تتعاركون من يقرأ حجيك ههههه
اما يتعلل جاوبتك زمرده وفسرت الك المفرده

[زمردة]

ياهلا برانيا مية هلا

يللا حياتي شاركي باليوميات ولو احتمال مصايمة لان على سفر

بس احجيلنه على يومك الرمضاني بالدنمارك اوكي ؟

[دكتوره رانيا]

راح احكيلك عن يومياتي هنا في العراق

اول يوم وصلت كنت ما صايمه لانه على سفر

راح احكيلك عن اليوم الي مضى

كل يوم نسهر لانه سوالف وزيارات الاهل والحبايب

ونبقى للساعه 3 الحقيقه بيت سعد مايخلوني احط ايدي واشاركهم

باعداد السحور او الفطور ضيفه وعزيزه عندهم

واني مغلسه مرتاحه للوضع ههههههه

رحلت السحور تبدأ تقريبا ساعه 3 ونص دائما يكون خفيف تسحرت شوربه وعصائر

وفاكهه لانه مابحب اي شي غير هيك على شوية سلطات بعد السحور حاولت اساعد زوجته بغسل

الاطباق لكنها ماقبلت مثل ماكوتلك راحه تامه هههههه

واستنيت شوي قريت قرأن وبعدها اعلن الاذان وبانتهائه صليت الفجر

وبعدها تليت الاذكار الصباحيه

ونمت كعدت الظهر صليت تحركت شوي بالبيت

ونمت ساعه 5 كعدت صليت العصر

انطفت الكهرباء !!

شغلو المولده كعدنا شوي حبيت اسوي مقلوبه مع الشوربه

وشغلتهم معاي هههههه الي على البطاطا والي على الطماطه والباذنجان

المهم حطو الفطور شوربه ومقلوبه وسلطات وتمر ولبن

واكولج معلومه زوجة سعد تسوي خبز عروك ماينشبع منه وخبز حااار

ودجاج شوي كذلك بالتنور

واليوم صايمه لليوم الجديد

[دكتوره رانيا]

احكيلك عن يومي بالدنمارك

الجو روووعه كثير تمنيتكم يمنا والحدائق

وكل شي حلووو

طبعا انتم تسبقونا بالنهار

وبالدنمارك ماانام واكعد اتسحر بنهاية السهره

اكل شوي ودائما احب اكل سلطات ومرات نطلع بالليل

نجيب كنتاكي احبه كثير وعصائر اتسحر وانام اكعد بوكت اقرا قرأن اصلي

وانام يجي ساعتين من افيق من نومي واطلع لدوامي في المشفى

مرات انسى يومي من فرفرتي على المرضى والفحوصات اعمل تور على مرضاي

وبنهاية الدوام نطلع مرات صاحبتي دكتوره مغربيه تكولي ارتاحي شوي

انت تعرفين وضعي

بس مع ذلك لازم اشوف شغلي بالوجه المطلوب من نصل للبيت ابو بيتي مو مقصر ابدا

وهذه شهاده اله اكثر الاشياء هو يسويها بس تعرفين وحدتنا لازم تعمل شغلها بنفسها

الشوربه اما تكون عل الدجاج اكثر شي او لحم اكو جزاره قريبه فيها مسلمين نشتري منهم اللحم

نتسوك منها وناخذ من الاسواق العامره كلشي من المخضر واي شي الحقيقه اخر نظافه

من يصير وقت الافطار نفطر على الي موجود وبالليل نطلع نكعد بالحدائق ونشم ريحة البرد الطيبه

جو جنااااااااان

شهيتكم بالبرد

[mohammad orton]

يسلمووووووووووووو الموضوع حلو

[زمردة]

شكرا رنوش على اليوميات الجميلة

ظليت اتصور المنظر والجو

واااااااو رووووووووووووووووعة

الله يعطيك الصحة وتكملين رمضان على خير

وصحتين وعافية

ورمضان كريم

[Dam3at_alm]

عاشت ايدج خيتي موضوع مميز
ودي
تحياتي

[زمردة]

هاي شنو دمعة الم وين المشاركة

؟؟؟؟؟؟؟؟؟؟؟؟؟؟؟؟

هاي ممقبولة ابدا

اطلبك مشاركة

[شمس]

اسعدتم مساءا ابدأ يومي بالتوكل على الله سبحانه وتعالى انهض الساعه الثانيه عشر ظهرا اصلي الظهر وابدا باعداد الفطور شيئا فشيئا لاني لااحب العجله في التحضير اولا اقوم باعداد الاطباق الثابته يوميا ولامجال لتركها ابدا وهي كالاتي الشوربه اي نوع كان_التمر بالسسمسم_ السلطه_اللبن_العصائر_واخيرا الطبق الرئييسي بعدها نصلي المغرب ثم نفطر وبعدها المطبخ وماادراك مالمطبخ اضيع فيه واخرج منه حاملة اكواب الشاي التي لا نستغني عنها بعدها اخذ قيلوله من النوم ثم لدي مسلسل واحد اشاهده وابدأ بقراءة القران لحد وقت السحور احضره وعادة يكون البيض ومعه اي شىء بالنسبه لي احب الجبن مع الشاي نصلي ونكمل الصلاة بدعاء السحر ننام وننهض في اليوم التالي الساعه الثانيه عشر وهكذا
دمتم لقراءة مدونتي الرمضانيه داعية من البارىء عز وجل ان يتقبل منا صلاتنا وصيامنا وتلاوتنا للقران وقيامنا الليل نحن واياكم واتمنى ان تكون ايامنا رمضانيه ودمت سالمين سلامي للجميع

[زمردة]

يامية هلا بشموسة

والف شكر على المشاركة الحلوة

وعلى اليوميات الايمانية

بارك الله بك

ورمضان كريم

خلينه نشوفج على طول ولاتكطعين ياوردة

بس عندي ملاحظة صغيرة

هليوم الكتابة واضحة والكلمات كبيرة الحجم

هههههههههههههههه

[mohammad orton]

يسلموووووو على هذا الموضوع الرائع والمثير
تقبلي مروري

[زمردة]

يعني مراح تشارك يامحمد ؟؟؟؟؟؟؟؟؟؟؟؟؟

[mohammad orton]

موضوع رائع وجميل

[mohammad orton]

وراح اشارك انشاء الله

[سيد الروح]

اختي العزيزة حياكي اللة

وعاشة ايدج على هذة الوضوع الرائع

تحياتي

[زيد محمد السعدي]

رمضان كريم عليكم والله يتقبل من الجميع
اني اعتذر من زمردة لان اتأخرت مشاركتي لان وقتي محدود وهي تعرف بأموري
اني راح اكتب مشاركتي هسة لان ماعندي مجال بالليل اكعد عالنت
اول شي اني اسحر ب 1 صباحا لان مااكعد ب 3 بس للصلاة لان مااعرف اكل بهذا الوقت لان اتضايق ثاني يوم عالعموم اني كعدت الساعة 7 ورحت للدوام بعدين اول ماطلعت لكيت الشوارع كولهة مسدوة وانتو تعرفون اشلون الجو بارد عدنا وصلت ب 9 للشركة وطبعا كالعادة حجيت كومة حجي من ورة المشتركين اللي يجون صارت الساعة ب 12 رحت صليت وكلت انام ساعة لان تردون الصدك اني مدا اشبع نوم نمت من كعدت لكيتها الساعة صايرة ب 5 هههههههههههههه وماادري بنفسي رحت للبيت لان عندي طقوس خاصة الي اسوي 5 انواع عصائر طبيعية لان اني مااكل وقت الفطور صارت الساعة 7 اذن المؤذن فطرت تمر ولبن ورحت صليت قريت قرأن بعدين كعدت ع tv ((شفت مسلسل المختار)) صارت الساعة 9 رحت وي اصدقائي للكوفي شوب رجعت الساعة 12 شفت(( مسلسل كيد النساء )) هذا يومي الرمضاني اكيد رمضان له قدسية تختلف عن باقي الشهور تحياتي الى صاحبة الفكرة المتألقة (( زمردة )) لؤلؤة المنتدى
واحب اكول شي واحد رمضانك احلى مع (( هنا العراق ))
تحياتي للجميع ورمضان كريم

[شمس]

والله يازوزو ماعندي قصد بيها بس هيه هيجي اصير مرات من اشارك المشاركه تطلع كتابتها صغيره ومتتكبر راح ادز ويه المشاركه عدسات مكبره مره ثانيه ههههههههه مع كل الحب لك

[زمردة]

الف شكر زيد على المشاركة

والله يعينك ويعين كل العراقيين

وانشالله الجزاء الجميل والثواب من رب العالمين

ومية هلا بيك

[زمردة]

شموسة حياتي اتلاطف وياج ولا يهمج اني
حاضرة دائما للتكبير بلا مكبرة

[زمردة]

محمد اورتن وحمادة وين مشاركاتكم ؟

انتظر كم ومية هلا بيكم

[محمد الكبيسي]

السلام عليك اني اولا احب اشكر الاخت زمرده ع الموضوع المميز
اني راح ابدي عن يومي

اولا اني اتسحر ب 3 ا كثر من شرب الماء واقلل من الاكل
يعني والحمدلله ومن اكمل افتح النت قليل واطفي واصلي وانام اكعد الساعه 1 الظهر اصلي وافتح النت اكعد فد 3 ساعات ع النت واكوم اروح ويه اصدقائي نتمشه 4 ارجع بال 5 اقره قرأن اضل وبعدين يجي وكت الفطور وافطر والحمدلله
خلص يومي هههه قصير مو صحيح

[mohammad orton]

السلام عليكم اختي زمردة راح اتحدث عن يومياتي
انا اتسحر عند الساعة 3 اشرب الماء وبعدها اذهب الى السرير
ثاني يوم الصبح اغسل واصلي ثم اقرا القران عندما ياتي العصر اكعد على النت الى الفطور وبعدها افطر واكمل واذهب الى اصدقائي لحد الساعة تسعة
وبدها اكعد على النت لحد الساعة 3 في الليل وهاكذا

[زمردة]

الف شكر يامحمد الكبيسي على المشاركة الحلوة

مو مهم تكون طويلة او قصيرة

المهم المشاركة

ورمضان كريم

[زمردة]

شكرا محمد اورتن على مشاركتك في اليوميات

ورمضان كريم

[سيد الروح]

السلام عليكم ورحمة اللة وبركاتة


شكرا اختي العزيزة زمردة على هذا الموضوع الفريد من نوعة


لانة يعكس ذوقكك الرائع والافكار السامية الجديدة التي انطوت


في طيات ابداعك .....



ارجو المعذرة لان مشاركتي كانت متاخرة بعض الشي بسبب بعض الضروف لكن الحمدللة


اللة مسهل الامور لعبادة حتى لا اطيل عليكي الحديث المقدمة واكون ثقيل بعض الشي راح ابداء باتكلم عن يومياتي في رمضان

المبارك





نبداء



طبعا بالبداية اكعد للسحور تصحيني الوالدة اوالوالد اطالهم اللة البقاء طبعا وجبة السحور خفيفة


دائما البان حتى منتعرض للعطش بالنهار



اكمل السحور اصلي طبعا الفترة الاخيرة واضبت على قراءة القران بعدها اخلص من قراءة بعض الايات


تصير الساعة الخامسة اروح للشغل اخلص فترة العمل ارجع الساعة الثانية او الثالثة ضهرا



للبيت بوجهي للنوم يصحوني قبل الفطور بنص ساعة بعد مدفع الافطار اشرب قليل من الماء


وقلييل من التمر اصلي بينما يحضرون مائدة الطعام ارجع اكمل اكلي مع الاهل طبعا الوجبة المفضلة هي


اللحم بعجين بس اليوم اكلت سمك كتلني العطش يمكن شارب تنكر مي هههههههههههههههه


بعده اطلع يم اصدقائي ومراة لصالة الرياضة ارجع الساعة 11 انام الساعة الواحدة تقريبا



اتمنى انني لم اطيل عليكم الحديث يعني مضوجتكم


شكرا مرة اخرى اختي العزيزة تقبلي تحياتي مع التقدير


حمادة :
:212:

[زمردة]

الف شكر حمادة على اليوميات الحلوة

تدري شهيتني لحم بعجين الجندول شكد جنت احبه

مو مشكلة تتاخر بالمشاركة

المهم شاركت ويانة باليوميات

تسلم ياوردة وانشالله تداوم على

قراءة القران برمضان وغير رمضان

ورمضان كريم

[toty]

بدا الكلام بتحية الاسلام
السلام عليكم
اولا:نشكرالاخت زمردة على هذا الموضوع القيم
ثم اتحدث عن نفسي

اسحر ساعة 2:30 و الاكل يكون خفيف طبعا
و اشرب ماء
ثم
اكعد على الانترنيت قبل السحور و بعد السحور
انام ساعة 8:00 صباحا و اكعد ساعة 1:00 ظهرا
وبعدها اكعد على الانترنيت من 1:30 حتى 5:00
ثم
اقرأ القرءان
و انتظر اذان المغرب
وبعد الفطور
اطلع وية اصدقائي حتى الساعة 11:30 ليلا
وبعدها اتفرج التلفاز ومسلسل ايزال
هذه هي حياتي في رمضان
اكيد مملة مو؟؟؟؟
ههههههه

[زمردة]

الف شكر توتاي ماشاء الله شاركت سرايعا

لان اكو اعضاء دزيتلهم ومشاركوا

وهي هاي الحياة احيانا مملة تكون وايانا زينة

ورمضان كريم

[آنثى لآيكررهآ آلقدر]

ميرسي حبيبتي ع آلموضوع

وثآنكس ع آلدعوه

[آنثى لآيكررهآ آلقدر]

هلآو آيشلونكوم آنشالله بخير آمم تبعآ رآح آحجيلكوم شلون جآن يومي

كعدت آلظهر سآعه 12 ونوص وبعدهآ غسلت وصليت وشفت تيفي

وصديقتي جنت عآزمتها هليوم ع آلفطور آجتي يمي من ساعه 1

وبعدين بقينآ تعرفون سوآلف وحجي هههههههه مبقى وآحد بحآله

وبعدهآ آاتفرجنآ مسلسلات ع آلتي في

ورآ مكملنا آلمسلسلآت سمعنآ قرآن

وبعدين صآر آلفطور

وفطورنآ جآن شوربآ ودولمه وبريآني دجآج و عروك ومقبلات وكبـه وعصير

بعدهآ ورآ مكملنه فطور صلينا ورآحت صديقتي وبقيت آتفرجت تي في < تتآبع مسلسلات كوما هههههه

وبعدين طلعت آفترينآ بألكآر وبعدين رجعت للبيت شويآ نمت

وكعدت سآعه وحدآ ونوص آتسحرت لحم بعجين

وغسلت وآجيت ع آلنت

وهذآ جآن يومي هع

[زمردة]

شكرا حبيبتي على المشاركة الجميلة

بس بعد لحد يجيب طاري اللحم بعجين

هاي صار مرتين ياجماعة لان اني مشتهية لحم بعجين الجندول

شلون يعني اجي لبغداد علمود اشتريه ؟؟؟ ههههههههههههه

رمضان كريم گلبي

[زمردة]

اليوم اكتب عن يومي من السحور الى الفطور

البارحة ان شاء الله كانت ليلة القدر

كان عندي ختمة كملتهه والحمد لله وعندي ختمة اخرى باقي جزأين

ان شاء الله اكلهه بكرة

وتالي صليت واندعيت الله يفرجهه على امة محمد

وشفت ليلة القدر بالسعودية بالكعبة وتذكرت من رحت للعمرة

الله رووووووووووووعة

ومنمت طبعا بقيت كاعدة وتسحرت مخلمة

واكلت خوخاية وشربت شاي

ثم قريت جزء من القران الكريم وصليت الفجر نوافل ثم الفرض

ونمت للساعة الوحدة الظهر

كعدت وصليت الظهر وطبخت برياني للفطور وشوربة لازم هاي

وتفطرنه على التمر واللبن

ووراهه شربت شاي وصليت المغرب

وغسلت المواعين واجيت انتظر غرور بالمسابقة

مال للزمن ثمن وهسه كاعدة اكتب اليوميات

وشكرا لكم

[وغلاتك]

يسلمووووووووووووووو على المجهود