""../ مسابقة للزمن ثمن /..""

[ღ! غ̷ ـرور !ღ]

السلام عليكم ورحمة الله وبركاته


[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

اعزائي اصبح اسماء المجموعتين كالآتي

المجموعة الاولى

ملكة بغداد
مغرورة بحبك
زمردة
ابراهيم أورتن
شمس
بحرينية وافتخر

المجموعة الثانية
الوردة الحكيمة
رانيا
ميمالوف
سترينجرمان
ابو نايف
ام دميعة

المسابقة صار فيها شوية تغيير
وهو ان الطرد رح يكون بعد فشل احد المجموعتين بثلاثة اجوبة على التوالي
حتى ما تتصفى المجموعات بسرعة

فكرة المسابقة
اطرح السؤال واللي يجي قبل ويحل السؤال من المجموعتين رح يكسب نقطة لصالحة
والمجموعة الثانية يتسجل ضدها نقطة سلبية وإذا يصير عندهم ثلاث نقاط سلبيه رح ينطرد منهم عضو
المهم بالتصفيات النهائية رح يكون فائز واحد فقط وهو رح يحصل على الجائزة
والباقي رح نقول لهم هارد لك

رح اطرح السؤال في الساعة التاسعة مساء هذا اليوم
اتمنى الكل يكون مستعد حتى ما يخسر نقاط
نلقاكم :212:
أجمل تحية

[ღ! غ̷ ـرور !ღ]

سؤال اليوم

ما اسم عاصمة أوكرانيا؟

والإجابة رح تكون في هذا الموضوع

تحياتي

[R-K]

اني اني اجاوب اول وحدة
العاصمة هي

كييف

بسلا تطلع غلط هع

يمعودين المجموعة الثانية وينكم اريدكم تتفاعلون
يلة شدو الهمة حتة انفوز عليهم
عليهم يا جماعة

[memalove]

كييف ([فقط الأعضاء المسجلين والمفعلين يمكنهم رؤية الوصلات]) هي الاجابة

[ღ! غ̷ ـرور !ღ]

هيما كان مسنتر بالموضوع بس راحت عليه الاجابة
ومبروك لك رانية
إجابتك صحيحة
ومجموعتك صار عندها نقطة ايجابية
المجموعة الأولى = +1
المجموعة الثانية = -1

وغدا سؤال آخر
تابعونا في الساعة التاسعة ان شاء الله

تحياتي

[ღ! غ̷ ـرور !ღ]

للزمن ثمن
واللي يجاوب اسرع رح يحصد النقطة الايجابية
هارد لك عزيزتي ميما
وان شاء الله الفرصة لكم في الايام القادمة

تحياتي

[R-K]

[فقط الأعضاء المسجلين والمفعلين يمكنهم رؤية الوصلات]


الحمد لله الجواب صحيح

بانتضار السؤال الثاني

[ღ! غ̷ ـرور !ღ]

مبروك النقطة
وموعد السؤال الثاني الساعة التاسعة مساء ان شاء الله
تحياتي

[ღ! غ̷ ـرور !ღ]

السؤال الثاني:

ما اسم العملية التي عن طريقها يتم تنقية الحليب من البكتيريا؟

وبالتوفيق للجميع

[IBRAHIM ORTON]

اسم العملية التنقية

[ღ! غ̷ ـرور !ღ]

لا عزيزي ابراهيم الاجابة خاطئة
حاول مرة ثانية

[memalove]

البسترة حسب مااظن

[زمردة]

وذلك عن طريق عملية تعرف باسم التنقية.
وفي هذه العملية يمر الحليب عبر المبسترة التي يتم فيها القضاء على البكتيريا الضارة.

[ღ! غ̷ ـرور !ღ]

العملية اسمها البسترة حسب جواب ميمالوف
والف مبروك الاجابة صحيحة ورح اضيف نقطة لمجموعتك وسحب نقطة من المجموعة الاخرى
وللزمن ثمن

تحياتي

[IBRAHIM ORTON]

اني هم كلت عملية التنقية

[ღ! غ̷ ـرور !ღ]

المجموعة الاولى

ملكة بغداد
مغرورة بحبك
زمردة
ابراهيم أورتن
شمس
بحرينية وافتخر

المجموعة الثانية
الوردة الحكيمة
رانيا
ميمالوف
سترينجرمان
ابو نايف
ام دميعة


صار فيه خطا امس لأني افتكرت ان رانيا من المجموعة الاولى لكن هي من المجموعة الثانية وبذلك النتيجة تصبح

لمجموعة الاولي = -2
المجموعة الثانية= +2

المجموعة الاولى باقي نقطة سلبية واحد ويطرد منها عضو خليكم منتبهين وتابعونا غدا
في مثل هذا الوقت

بالتوفيق للجميع
تحياتي

[ღ! غ̷ ـرور !ღ]

اني هم كلت عملية التنقية

اي هي عملية تنقيه لكن تسمى بالبسترة وهو الاسم المطلوب
فرصة ثانية ان شاء الله
تحياتي

[IBRAHIM ORTON]

يلة حظ اوفر النة انشاء الله على الجايات

[ღ! غ̷ ـرور !ღ]

سؤال اليوم
أين تقع جزر لانجرهانز؟

اللي يجاوب اسرع وصح هو رح يكون الفائز بالنقطة الايجابية

وبالتوفيق للجميع

[R-K]

ههههههه

خوش سؤال

تقع في البنكرياس في جسم الانسان

[memalove]

البنكرياس اكييييييييييييييد

[زمردة]

فى البنكرياس
غدة هاضمة تفرز الإنزيمات في الإثنا عشر خلال قناة بنكرياسية ، كما أنه غدة صماء ، حيث تفرز بعض خلاياه ، التي تعرف باسم ( جزر لانجرهانز ) الهرمونات في الدم

[زمردة]

شبسرعة جاوبتوا حتى ملحكت هههههههههههههههههه

[ღ! غ̷ ـرور !ღ]

الاجابات كلها صحيحة
وتستاهلون نقاط لكن رانية كانت الاسرع ولذا راح تضاف نقطة لمجموعتها
واتوقع المجموعة الثانية رح يطرد منها عضو مع الاسف

تابعوني عشان نشوف من هو المحظوظ اللي رح ينطرد :(

[مغرورة بحبك]

والله اني هم ملحكت ما ادري شوكت صارت 9 واجيت ركض لكيت السؤال منتقل الى رحمة الله

شوكت سويتي السؤال غرور يمعوده على كيفج ويانه راح ينطرد واحد مننا اكيييد اليوم

اني عندي اقتراح انه تكون المسابقة مثل مسابقة الصور الي عملتيها

يعني تكون بالنقاط وبدون طرد هههه

شنو رايك ؟؟؟

[R-K]

يمعودة شنو اطردين واحد منعدنة يا المجموعة الثانية اني بالمجموعة الثانية

المجموعة الاولى الي لازم ينطرد واحد منها مو احنة هههه

[ღ! غ̷ ـرور !ღ]

انا نفس الشي كسرت خاطري ملكة بغداد طلع اسمها طرد
خلاص رح آخذ باقتراحك ونلغي سالفة الطرد
العضو اللي يحصد اكثر هو رح يفوز نهاية الشهر

هسه رح احسب النقاط من جديد

تحياتي

[ღ! غ̷ ـرور !ღ]

كلامك صحيح رانية
الصوم اثر فيني حبتين
انا كنت اقصد المجموعة الاولي
خلاص لغينا الطرد

[ღ! غ̷ ـرور !ღ]

أسماء المشاركين

ملكة بغداد
مغرورة بحبك
زمردة
ابراهيم أورتن
شمس
بحرينية وافتخر
الوردة الحكيمة
رانيا
ميمالوف
سترينجرمان
ابو نايف
ام دميعة
............
النتيجة
رانيا=2
ميمالوف = 1

وبكرا سؤال جديد
نلقاكم غدا في الساعة التاسعة مساء
تحياتي

[R-K]

جنة برهم بعدة مشايف الموضوع والة هو خابصني الة افوز عليكم الة افوز

[ღ! غ̷ ـرور !ღ]

ههههههههههههههه
فاته سؤال اليوم
ان شاء يلحك عليه بكرا

[ღ! غ̷ ـرور !ღ]

أسماء المشاركين

ملكة بغداد
مغرورة بحبك
زمردة
ابراهيم أورتن
شمس
بحرينية وافتخر
الوردة الحكيمة
رانيا
ميمالوف
سترينجرمان
ابو نايف
ام دميعة
ونضيف الاخت د. نوجا لقائمة المشاركين

موعد السؤال الساعة 9 م

انتظرونا

تحياتي

[زمردة]

وين السؤال حياتي تلكين هسه كل اعضاء المنتدى مبلطين هنا

ينتظرون السؤال

[memalove]

ههههههههههههههههههههههههههههههه هاي وين لكيتيها زمردة

[زمردة]

مو صح ميمة وهاي انتي موجودة ونشوف بعد منو اكو هنا

[ملكة بغداد]

يلااااااااااااااااااااااااااا وين السؤال صارلي كومه داانتضر وتركت المسلسل علمود المسابقه اهيء اهيء اهيء

[ღ! غ̷ ـرور !ღ]

شكرا لكم
هسه احط السؤال
برب

[memalove]

اي والله حبيبتي كاعدة وانتظر بس اني اعرف غرور وين الحين تلقيها تاكل حلويات لان اليوم ماتركت موضوع حلويات ماادخلت بعدين داخت وطلعت .... اكيد نستنا

[ღ! غ̷ ـرور !ღ]

سؤال اليوم
4- ما اسم الارض التي لم تصل لها الشمس إلا مرة واحده؟

بالتوفيق للجميع

[زمردة]

ههههههههههههههههه
صح كلامج ميمة

[زمردة]

هي الارض التي انشقت في البحر ليمر موسى عليه السلام ومن معه

[IBRAHIM ORTON]

ارض البحر الذي انشق لموسى عليه السلام حينما ضربه بالعصا.)

[زمردة]

هاليوم اول وحدة جاوبت

وين البقية لازم ملوا وراحوا

صح لو غلط ؟؟

[ملكة بغداد]

الأرض التي ظهرة بعد أن ضرب موسى عليه السلام البحر بعصاه

[ملكة بغداد]

شبسرعه جاوبتووووووووووووو ضوجتوني اهيء اهيء اهيء

[memalove]

حرامات شكل النت ملحكت

[ღ! غ̷ ـرور !ღ]

الاجابة صحيحة
ما شاءالله كلكم جاوبتوا صح بس فرق الزمن
الف مبروك لزمردة ولك نقطة
هسه احط النتايج
برب

[ملكة بغداد]

اني هم اصلا مشفت السؤال الا ورة شويه حرامات هاي اول مرة اشارك يلا خيرهه بغيره الا افووووووووووز

[ღ! غ̷ ـرور !ღ]

النتيجة
رانيا= 2
ميمالوف = 1
زمردة= 1


وحظ اوفر للبقية
بكرا سؤال جديد
نلقاكم غدا في الساعة مابين 9 إلى 10 م
تحياتي

[ღ! غ̷ ـرور !ღ]

استعدوا لسؤال اليوم
سؤال سهل والحل سريع
يعني السرعة رح تكون مهمة كثير للحصول على النقطة
و"للزمن ثمن"

تحياتي

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


ما اسم الهرمون الذي تفرزه الغدة الدرقية وتتحكم في نسبته بالدم؟

بالتوفيق للجميع
تحياتي

[R-K]

الهيموكلوبين هو متخصص بالدم

بس الهرمون الي تفرزة الغدة الدرقية هو

الثيروكسين.

[memalove]

الكاليستونين اعتقد

الي اله دور في تقليل نسبة الكاليسيوم في الدم
ويمنع امتصاصه من العظام

[IBRAHIM ORTON]

تفرز هرمون الثيروكسين

[memalove]

الثايروكسين ماله علاقة بنسبة الدم له علاقة بعمليات الايض والافرازات بالجلد الشعر وغير اشياء

[زمردة]

الثيروكسين صح يا ابراهيم

اعتقد هو الصح

يللا ابراهيم معي بالمجموعة

اليوم نسيت المسابقة لان دايخة

[ღ! غ̷ ـرور !ღ]

سوري رانيا
اني شفت الهيموجلوبين وقلت غلط منتبهت انك كتبتي الثيروكسين
هارد لك ابراهيم وفرصة ثانية ان شاءالله
جواب رانية هو الصحيح
والف مبروووووووووووووك

وبذلك تصبح النتيجة كالآتي
رانيا= 3
ميمالوف = 1
زمردة= 1




وحظ اوفر للبقية
بكرا سؤال جديد
نلقاكم غدا في الساعة مابين 9 إلى 10 م
تحياتي

[R-K]

يمعودين اني هم كاتبة الثيروكسين

[ღ! غ̷ ـرور !ღ]

ويلكم زمردة
ماتشوفين شر
حتى انا نعسانه حدي
رايحة انام

اجمل تحية

[ملكة بغداد]

اهيء اهيء اهيء اني ملحكت على المسابقه جنت طالعه جيت والله بسرعه بس ملحكت

[ღ! غ̷ ـرور !ღ]

الثايروكسين ماله علاقة بنسبة الدم له علاقة بعمليات الايض والافرازات بالجلد الشعر وغير اشياء

المقصود اسم الهرمون الذي تفرزه الغدة الدرقية
وهو هرمون الثيروكسين

[memalove]

ماريد اطولها عليج الغدة تفرز هرمونين الثايروكسين والكالسيوتونين
والكاليستونين مسؤول عن نسبة الكالسيوم بالدم
وشكرا

[R-K]

واني امجاوبة اول وحدة وكاتبة ثيروكسين

راح الجواب لبراهيم اشو هو والنقطة

[ღ! غ̷ ـرور !ღ]

صحيح كلامك لكن انا كنت اقصد احد الهرمونات الاساسية التي تنتجها الغدة الدرقية وهما باسمهم المختصر تي ثري وتي فور بمعنى التيترا ايدوثيرونين وتراي ايدوثيرونين

[memalove]

ما اسم الهرمون الذي تفرزه الغدة الدرقية وتتحكم في نسبته بالدم؟
هذا سؤالج وكنتي سألة اسم الهرمون تفرزة الغدة ويتحكم بنسبة الدم صح ولا لا

انا جوابي كان حسب هالسؤال

[ღ! غ̷ ـرور !ღ]

رانيا انا عدلت في النتيجة
صار عندك 3 نقاط
وسوري ميما
انا ماا وضحت سؤالي وعشان كذا صار فيه لخبطه في فهم السؤال والاجابة المقصودة

[memalove]

اي صح كان المفروص بس اسم الهرمون مو عمله معا

[ღ! غ̷ ـرور !ღ]

هذا سؤالج وكنتي سألة اسم الهرمون تفرزة الغدة ويتحكم بنسبة الدم صح ولا لا

عزيزتي انا كنت اقصد الغدة نفسها هي تتحكم في نسبة افراز الهرمون في الدم ولم اقصد الهرمون نفسه

[IBRAHIM ORTON]

واني امجاوبة اول وحدة وكاتبة ثيروكسين



راح الجواب لبراهيم اشو هو والنقطة



اختي العزيزة انتي حطيتي اول شي الهيموجلوبين واني حطيت الثيرو كسين الساعة 9:19

ورانيا سوت تعديل وكتبت الثيروكسين الساعة 9:22

صح لو غلط

[الوردة الحكيمة]

اية والله ابراهيم وياة حق

[IBRAHIM ORTON]

صدك جذب لازم النقطة الية

[ღ! غ̷ ـرور !ღ]

رانيا بالفعل عاملة تعديل على ردها الساعة 9 و 25
انا رح اناقش اللي صار مع الادراة واشوف النقطة تصير لصالح من
ورجاءا اي رد بيه تعديل مرة ثانية ما رح احسبه

تحياتي

[زمردة]

عيني امبراطورة

رانيا كتبت هيموغلوبين

اني متاكدة من هالشي

وراهه جاوب ابراهيم ثيروكسين

ثم عدلت رانيا جوابهه

والدليل مكتوب اخر تعديل ليجوة

فكتبت ثيروكسين

يعني صاحب الاجابة الصحيحة هو ابراهيم

مو قصدي اتحيز لاحد

لكن القصد ابين منو صاحب الحق بالاجابة

ارجو الانتباه لذلك

[IBRAHIM ORTON]

روحو شوفو التعديل مال رانيا بيا ساعة وشوفو اجابتي بيا ساعة

[زمردة]

عيني برهم انتظر وشوف جواب الامبراطورة

[ღ! غ̷ ـرور !ღ]

انا رسلت لنبض آخر ورح اشوف رده
انتظر يا ابرهيم لا تستعجل

[ღ! غ̷ ـرور !ღ]

شهادة زمردة صارت لصالحك يا ابراهيم
وان شاء الله خير
هي بالتالي مسابقة للتسلية والفائدة
مانبي تدخل بيها مشاحنات وتفقد جو الحماس ونقلبها حرب
ومثلما قلت سابقا
اي رد بيه تعديل ما رح احسبه

تحياتي

[IBRAHIM ORTON]

اني حبيت بس يظهر الحق

[زمردة]

اعتقد نبض ماشاف اللي شفته اني

وكلامك صح

لاتقبلين اي رد بيه تعديل

[ღ! غ̷ ـرور !ღ]

اكيد
اذا انقطة من حقك لازم تاخذها

[IBRAHIM ORTON]

هسة شنو النقطة صارت لصالحي لو صالح رانيا

[ღ! غ̷ ـرور !ღ]

الظاهر نبض مو موجود

وخلاص رح آخذ بشهادة زمردة إضافة لعدم احتساب اي رد بيه تعديل

والتيجة النهائية الآن هي:
رانيا= 2
ميمالوف = 1
زمردة= 1
ابراهيم اورتن = 1





بكرا سؤال جديد
نلقاكم غدا في الساعة مابين 9 إلى 10 م
تحياتي

[R-K]

سوري حبايب اني مجنت منتبهة لرد ابراهيم اني جنت اعدل المشاركة ورة معدلت مشاركتي واني جنت اول وحدة ومنتبهت ع البعدي ورة متاكدت من اجابتي الة رحت شفت اجابات الاعضاء البقية وسوري مرة لخ اذا صار اي ازعاج من قبلي
والف مبروك لبرهم

واعتذر لامبراطورة اذا ازعجتها او خربت موضوعها

[الوردة الحكيمة]

شكرآ رانيا ردج كلش حلو

[الوردة الذهبية]

الى كل الاخوان احنا اهنا بمنتدى وكلنا حبايب وناس مثقفين او واصلين
يعني الانسان ممعصوم من الخطأ وهي صايمة ودايخة فيا ريت كان اكو اسلوب حلو بالكلام من قبل ابراهيم هي مو حرب او اطلع الشخص الاخر كذاب
هي كانت ممنتبه .شكرا

[ღ! غ̷ ـرور !ღ]

خلاص الموضوع انتهى وهي اعتذرت وانا قبلت اعتذارها واكيد ابراهيم همين رح يقبل لأن قلبه طيب
وخلونا نفتح صفحة جديدة ونعتبر ما صار شي
ابيكم بكرا بنفس الوقت الكل يكون متواجد
واخطاء اليوم تعلمنا منها ورح نتفاداها بالايام الجاية

تحياتي

[IBRAHIM ORTON]

الى كل الاخوان احنا اهنا بمنتدى وكلنا حبايب وناس مثقفين او واصلين
يعني الانسان ممعصوم من الخطأ وهي صايمة ودايخة فيا ريت كان اكو اسلوب حلو بالكلام من قبل ابراهيم هي مو حرب او اطلع الشخص الاخر كذاب
هي كانت ممنتبه .شكرا

اختي اني مجان قصدي اسوي فد شي
يس الساكت عن الحق شيطان اخرس

وشكرآ

[IBRAHIM ORTON]

واني اعتذر منكم اخاف ضوجتكم وزعلتكم انا اسف واعتذر

[IBRAHIM ORTON]

ومرة لخ اعتذر

[IBRAHIM ORTON]

امبراطورة انشاء الله السؤال مال اليوم سهل

[مغرورة بحبك]

اني اجيت اليوم اريد اشوف السؤال من وكت همزين بعده ما منزلته غرور

[R-K]

حب حب كلنة دننتضر

[ملكة بغداد]

صارت السااااااااااااااااااااااااعة 9ونص اشو ماكو سؤال اريد افوز اهيء اهيء اهيء

احنا بانتضار السؤال

[R-K]

اويلي الكل امسنتر اليوم لاخل انسة النقطة

[ملكة بغداد]

اني راح اروح يلاااااااااااااااااااااااااااااااااااااااا

باي

[R-K]

اشو ماكو السؤال صارت بالعشرة

مولازم من التسعة للعشرة اتضيفون السؤال

[IBRAHIM ORTON]

يلة وينج يا امبراطورة ترة الحماس ديعم بكل الاعضاء

[ღ! غ̷ ـرور !ღ]

سوري تاخرت شوي
هسه اكتب السؤال استعدوا

[ღ! غ̷ ـرور !ღ]

سؤال اليوم

في اي علم من العلوم برع فيها عالم اسمه الجلدكي؟

[IBRAHIM ORTON]

برع في الكيمياء

[مغرورة بحبك]

علم الكيمياء

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


مبروك نقطة سؤال اليوم لابراهيم
وصح اجابتك هو عالم كيمياء

وبذلك تصبح النتيجة
رانيا= 2
ميمالوف = 1
زمردة= 1
ابراهيم اورتن = 2





بكرا سؤال جديد
نلقاكم غدا في الساعة مابين 9 إلى 10 م
تحياتي

[IBRAHIM ORTON]

شكرآ الج على السؤال السهل مجنت متوقع هيجي يكون عبالي انتي اتأخرت حتى اجيبين سؤال صعب

يسلمووووووووووووووووووووووووووووووووووووووووووو

[ღ! غ̷ ـرور !ღ]

بكرا سؤال صعب ولا يهمك هههههههههههه
الكل كان موجود ولما اجيت الكل اختفى بس انت ومغرورة بحبك
عذرا تاخرت عليكم شوي
هاردلك للي ملحك يجاوب

[زمردة]

اني الشطورة هسه يللا تذكرت

هههههههههههههههه

[R-K]

صدك يعني وراية ابخمس دقايق ليـــــــــــــــش هههههه

يلة علة باجر

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

مساااء الخير على الجميع

سؤال اليوم

ما اسم الشاعر الذي قال:
ألا أيها الليل الطويل ألا انجلي......بصبح وما الإصباح منك بأمثلِ


تحياتي

[زمردة]

الشاعر امرؤ القيس

[IBRAHIM ORTON]

كتبها محمد الجبلي

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


مبروك النقطة للأخت زمردة
وإجابتك صحيحة
وبذلك تصبح النتيجة
رانيا= 2
ميمالوف = 1
زمردة= 2
ابراهيم اورتن = 2





بكرا سؤال جديد
نلقاكم غدا في الساعة مابين 9 إلى 10 م
تحياتي

[زمردة]

هذا منو محمد الجبلي ابراهيم ؟؟

مسامعه بيه ابد !!!! هههههههههه

[ღ! غ̷ ـرور !ღ]

حتى انا مسمعت بيه
هسه نعرف من ابراهيم مين هو هذا الشاعر

[IBRAHIM ORTON]

والله ما اعرف شاعر ما ادري عندة جنبر ما ادري صار عندة محل

هو انت تعرفين شفطرت البارحة

[ღ! غ̷ ـرور !ღ]

اها
يعني الفطور مؤثر فيك يا ابراهيم
مو انت عندك مطعم
يعني لازم تفطر احسن فطور بالدنيا :)
يلا فرصة ثانية ان شاءالله
تحياتي

[ملكة بغداد]

مرحباااااااااااااااااااااااااااااا اني راح انسحب من المسابقه لان الساعة 9 مااكدر اكعد على النت

مع تمنياتي للفوز للجميع

[ღ! غ̷ ـرور !ღ]

ليش عيني ملكة رح تنسحبين؟
هسه احط السؤال
مو اني هم مو ساعة بيج بن لازم 9 بالضبط اكون موجودة
اذا عاجبكم الساعة 8 خلص نغير الموعد لـ 8 وش رايكم؟

[IBRAHIM ORTON]

كلش زين ساعة ثمانية

[ღ! غ̷ ـرور !ღ]

سؤال اليوم

ماهي اقصر آية في القرآن الكريم وفي اي سورة موجودة هذه الآية؟

ورجاء ما اريد احد يكتب لي يس او حم او كهيعص مو ذا قصدي

تحياتي

[مغرورة بحبك]

اقصر ايه في القران هي ( مدهامتان ) سورة الرحمن

[IBRAHIM ORTON]

ثم نظر هي الاية رقم 21 من سورة المدثر

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


مبروك النقطة للأخت مغرورة بحبك
وإجابتك صحيحة
وبذلك تصبح النتيجة
رانيا= 2
ميمالوف = 1
زمردة= 2
ابراهيم اورتن = 2
مغرورة بحبك = 1





بكرا سؤال جديد
وتغير موعد المسابقة للساعة 8 م
نلقاكم غدا ان شاء الله
تحياتي

[IBRAHIM ORTON]

اختي اجابتي هسة رحت شفتهة بالقرأن

[ღ! غ̷ ـرور !ღ]

معروف ان اصغر آية هي مدهامتان بسورة الرحمن وشوف جوجل
والقصد اصغر آية يعني من كلمة واحدة وليست كلمتان

[IBRAHIM ORTON]

نعتذر اختي

[ღ! غ̷ ـرور !ღ]

عادي ابراهيم
واشكرك على نشاطك وتميزك المستمر بالمنتدى
ان شاءالله بكرا الفرصة تكون من نصيبك
تحياتي

[زمردة]

لا عيني غرور خليهه على التسعة

لان الساعة ثمانية اكون بعدني دايخة واحنه اساسا نفطر متاخرين

يعني 8 الا ثلث تقريبا

واليوم ايضا نسيت المسابقة

ههههههههههههه

شسوي مسطورة من الصيام

سوووووووووووووووووووري

احنه مو مجموعتين ؟

المفروض مع ذكر اسم الفائز تذكرين

اي مجموعة اكثر نقاطا صح ؟؟

[IBRAHIM ORTON]

اختي زمردة انتهت فقرة المجموعتان وصارت العضو الي يحصل نقاط اكثر هو الي يفوز

[ღ! غ̷ ـرور !ღ]

اي صح كلام ابراهيم
لغينا الطرد وبالتالي انلغت المجموعات
وسالفة الوقت هذي صارت مشلكة
يلا انخليها 8 ونص وش رايكم
ترا لعبتون بي طوبة هههههههههههههه

[ღ! غ̷ ـرور !ღ]

8 إلا ثلث يا زمردة اني بالفطور ما خلصت
مو انصلي بالاول وبعدين نفطر وبعدها اشاهد شعبية الكرتون والفريج وطاش ما طاش والفلتة وفرصة ثانية
عملت لمسلسلاتي دعاية :)

[زمردة]

هههههههههههههه

والله ولا ادري ان المجموعات انلغت

اني برمضان شيش بيش

كلش اتعب مابيه خير

وبالحقيقة مقريت ان المجموعات انلغت

بس انتبهت على الاسماء ولذلك تساءلت شنو الموضوع ؟؟

بس كانت المجموعات احلى وكانت الفكرة الاولى احلى ايضا

ليش غيرتيهه ياغرور ؟؟ كانت فكرة جديدة ومميزة

وعلى كل يللا هي مجرد لعبة وخلاص واهسي انكسر بيهه

واني بال 8 ونص ماكدر اكون بعدني مغاسلة المواعين ولا مكملة صلاة

يللا براحتكم وعلى راحة باقي الاعضاء

[R-K]

ولله اني هم مااكدر بثمانية ولابالتسعة فحسب مدااشوف الاعضاء المشاركين كلهم متواجدين ساعة 10,30 او 11 فخلوها خلال هذا الوقت وياريت لان صار اشكم يوم مدااشارك وراح اتفوتني المسابقة
فشنو رايكم

[IBRAHIM ORTON]

والله اني رأيي يو ب ثمانية يو بالعشرة لأن الاعضاء نصهم موجودين بالعشرة

[زمردة]

نخليهه على غرور هي صاحبة المسابقة

بس مو ورى العشرة لاني ماكدر عالسهر

ولا قبل 8 ونص

[ღ! غ̷ ـرور !ღ]

يلا قولوا لي اي وقت يعجبكم بالضبط ويناسب الجميع
يمكن الساعة 11 الوقت مناسب وش رايكم؟

[ღ! غ̷ ـرور !ღ]

خلاص على العشرة أوكي
وش رايكم؟

[ღ! غ̷ ـرور !ღ]

يلا رح اطرح سؤال اليوم هسه

[زمردة]

ماشي غرور خليهه عالعشرة

بس اليوم شوكت يعني بالعشرة ؟؟

واني كاعدة دانتظر حيرتونه كل يوم موعد

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

سؤال اليوم
سؤال كلش سهل :)

بماذا لقّب النبي ابراهيم عليه السلام؟

بالتوفيق للجميع

[IBRAHIM ORTON]

لقب بخليل الله

[زمردة]

هاي شنو عبالي راح تنزلين السؤال بالعشرة ؟

يللا مبارك عليك برهوم

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


مبروك النقطة لهيما
وإجابتك صحيحة
وبذلك تصبح النتيجة
رانيا= 2
ميمالوف = 1
زمردة= 2
ابراهيم اورتن = 3
مغرورة بحبك = 1





بكرا سؤال جديد
وتغير موعد المسابقة للساعة 10 م
نلقاكم غدا ان شاء الله
تحياتي

[IBRAHIM ORTON]

شكرآ لك غرور

[ღ! غ̷ ـرور !ღ]

اني ذكرت باحد ردودي السابقة رح اطرح السؤال هسه
مو انتوا الوقت ما يناسبكم وصاير كل يوم يتغير
هم اني مو كل وقت يناسبني
خلاص رح اعتمده على الساعة 10م
ونشوف شيصير

تحياتي

[IBRAHIM ORTON]

يعني اخر كلام الساعة عشرة

ميتغير طول شهر رمضان مو

[ღ! غ̷ ـرور !ღ]

يحلوة ابراهيم
صورتك احلى من مهند بهواية
لعد ليش تحط صورة هالبايخ النسونجي وتترك صورتك!!

[مغرورة بحبك]

يعني صدك يوميه موعد

اتفقو على موعد حبابين الله يخليكم

[ღ! غ̷ ـرور !ღ]

ان شاء الله ما يتغير
ولا تستجد ظروف تضطرني اغيره

[ابو نايف]

انا اسف بس راح اضطر انسحب من المسابقة لان اني متواجد علأغلب الظهر او العصر ونادرا مااتواجد ساعة تسعة...يارب بالتوفيق للجميع

[ღ! غ̷ ـرور !ღ]

اي صدك صارت المسابقة هوسة هههههههههههههه
كل يوم موعد
خلاص الساعة 10 من بكرا وهسه احط بالاهداءات تنبيه

[مغرورة بحبك]

خلاص اتفقنا كل يوم الساعه 10 مساءا الموعد

بدون تغيير

[ღ! غ̷ ـرور !ღ]

موعد المسابقة ابتداءً من غدا ان شاءالله رح يتغير لـ 10 م
ياليت الكل يحاول يتواجد بهذا الوقت
وطبعا ما انسى نفسي :)

[R-K]

مبروووووووووك برهومة تستاهل
بس ولله عبالي بالعشرة فهسة الة طبيت حرامات

[ღ! غ̷ ـرور !ღ]

سؤال اليوم

ما اسم السورة اللي بين سورة المجادلة والممتحنة؟

بالتوفيق

[زمردة]

سورة الحشر

[R-K]

سورة الحشر

[R-K]

شبسرعة زمردة هههه راحت علية كاعدة علمودها والمسلسلة خلصت

[IBRAHIM ORTON]

سورة الحشر

[IBRAHIM ORTON]

شبسرعة زمردة ملحكت حتى اقرة السؤال

[زمردة]

هههههههههههههههههه
اليوم كلت الا افوز بيهه
يللا خيرهه بغيرهه

[IBRAHIM ORTON]

يعني اليوم جنتي مسنترة مو

[IBRAHIM ORTON]

بس اني مشفت السؤال اول محطتة غرور بعدين جان اشوفة

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


مبروك النقطة لزمردة
وإجابتك صحيحة
وبذلك تصبح النتيجة
رانيا= 2
ميمالوف = 1
زمردة= 3
ابراهيم اورتن = 3
مغرورة بحبك = 1

زمردة وابراهيم تعادل بالنقاط
نشوف بكرا مين يحصد نقاط ويصير بالمقدمة






وانتظروا سؤال جديد
غدا ان شاء الله
تحياتي

[IBRAHIM ORTON]

الف مبروك لزمردة

[R-K]

هههههههه الف الف مبرووووووك الزمردة

[زمردة]

شكرا الكم اعزائي واول وتالي هي مجرد تسلية
واحنه كليتنه متونسين

[ღ! غ̷ ـرور !ღ]

صح كلامك يا زمردة
والف مبروك الفوز بسؤال اليوم

[ღ! غ̷ ـرور !ღ]

سؤال اليوم
ماهو الشئ الذي كلما أخذت منه زاد؟

تحياتي

[زمردة]

الحفرة كلما اخذت منها كبرت

[IBRAHIM ORTON]

اي الحفرة جوابج صحيح زمردة

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


مبروك النقطة لزمردة
وإجابتك صحيحة
وبذلك تصبح النتيجة
رانيا= 2
ميمالوف = 1
زمردة= 4
ابراهيم اورتن = 3
مغرورة بحبك = 1



وانتظروا سؤال جديد

غدا ان شاء الله
تحياتي

[IBRAHIM ORTON]

الف مبروك لزمردة

[R-K]

الف الف مبرووووووووووك زمردة

[ღ! غ̷ ـرور !ღ]

سؤال اليوم
من هم أولو العزم من الرسل؟


بالتوفيق

[IBRAHIM ORTON]

نبي نوح ونبي ابراهيم ونبي عيسى ونبي محمد (ص)

[زمردة]

اول العزم - هم : نوح وإبراهيم وموسى وعيسى ونبينا محمد صلى الله عليهم

[IBRAHIM ORTON]

ونبي موسى عذرآ

[زمردة]

ناسي موسى يا ابراهيم

يمكن من كد ممستعجل

[مغرورة بحبك]

ماشاء الله بعدني بس سويت رفرش لكيت مجاوبين على السؤال

يلا مبروك للجميع

[IBRAHIM ORTON]

ناسي موسى يا ابراهيم

يمكن من كد ممستعجل


اي والله ما اعرف شلون اجاوب ركض ركض

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


هيما نسيت النبي موسى عليه السلام
وعشان كذا راحت النقطة لزمردة
مبروك زمردة
إجابتك صحيحة
وبذلك تصبح النتيجة
رانيا= 2
ميمالوف = 1
زمردة= 5
ابراهيم اورتن = 3
مغرورة بحبك = 1




وانتظروا سؤال جديد

غدا ان شاء الله
تحياتي

[نبض آخر]

السلام عليكم


سؤال اليوم


– ما هو الشىء الذي يلازمك طول عمرك ؟

[R-K]

الاسم
الاسم

[IBRAHIM ORTON]

الاسم اوالظل

[IBRAHIM ORTON]

او الروح

تحياتي

[IBRAHIM ORTON]

اجابتي النهائية الظل لأن الظل يلازمك طول العمر

والاسم لايلازمك لأنك تستطيع تغيره

والروح لايلازمك طول العمر لأنه عند المنام يذهب وهكذا تحدث الاحلام

[mohammad orton]

الظل
وتحياتي

[نبض آخر]

الاجابه الصحيحه هي الاسم


مبروك للفائز الاول

تبقى غرور تتخذ اجرائها

ودي

[ღ! غ̷ ـرور !ღ]

ابراهيم كلامك ممكن يكون صحيح لكن احتمالية تغيير الاسم جدا ضئيلة ولناس معينين يعني ما تنطبق على الكل
بعكس الروح والظل ولذا الاجابة الصحيحة هي الاسم كما ذكر نبض آخر
لأن حتى الظل بدون ما يكون ضوء ما يلازمك يعني يختفي

على كل حال مبروك لرانيا هي جوابها صحيح

والنتيجة كالآتي

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

رانيا= 3
ميمالوف = 1
زمردة= 5
ابراهيم اورتن = 3
مغرورة بحبك = 1




شكرا لك عزيزي نبض آخر
تعبتك معي
وبكرا سؤال جديد
ان شاء الله
تحياتي

[زمردة]

مبرووووووووووووك رانيا

اني اليوم مكدرت اشارك جنت مريضة شوية

على بكرة انشالله

[ღ! غ̷ ـرور !ღ]

سلامتك زمردة ماتشوفين شر
وفرصة ثانية غدا ان شاءالله
تحياتي

[زمردة]

تسلمين قلبي غرور والف شكر

[IBRAHIM ORTON]

مبروك لرانيا

والف سلامة لزمردة

[mohammad orton]

مبروك لرانيا والف سلام لزمردة

[ღ! غ̷ ـرور !ღ]

سؤال اليوم
من هو مكتشف قانون الجاذبية الأرضية؟

بالتوفيق للجميع
تحياتي

[IBRAHIM ORTON]

نيوتن

تحياتي

[mohammad orton]

نيوتن

تحياتي

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
مبروك لهيما
الاجابة صحيحة هو اسحاق نيوتن
وبذلك تكون النتيجة كالآتي:
رانيا= 3
ميمالوف = 1
زمردة= 5
ابراهيم اورتن = 4
مغرورة بحبك = 1





وبكرا سؤال جديد

ان شاء الله
تحياتي

[IBRAHIM ORTON]

شكرآ لك غرور

[ღ! غ̷ ـرور !ღ]

مبروك برهم
وهارد لك حمادة

[زمردة]

مبروك ابراهيم

اليوم اجوني ضيوف بالعشرة

شون حظ

يللا مو مشكلة على بكرة انشالله

[ღ! غ̷ ـرور !ღ]

ان شاءالله يا زمردة
نورتي

[ღ! غ̷ ـرور !ღ]

سؤال اليوم
اذكر/ي 3 سور بدأت بالحمد لله؟
هم خمس سور واريد ثلاث فقط

بالتوفيق للجميع

تحياتي

[زمردة]

الكهف والفاتحة وفاطر

[R-K]

الفاتحة
الانعام
الكهف

[نبض آخر]

بسم الله الرحمن الرحيم
{الحمد لله ربِّ العالمين}"1" (الفاتحه)
{الْحَمْدُ لِلَّهِ الَّذِي خَلَقَ السَّمَاوَاتِ وَالأَرْضَ وَجَعَلَ الظُّلُمَاتِ وَالنُّورَ ... "1"} (الأنعام)
{الحمد لله الذي أنزل على عبده الكتاب .. "1"} (سورة الكهف)
{الْحَمْدُ لِلَّهِ الَّذِي لَهُ مَا فِي السَّمَاوَاتِ وَمَا فِي الأَرْضِ وَلَهُ الْحَمْدُ فِي ..."1"} (سبأ)
{الْحَمْدُ لِلَّهِ فَاطِرِ السَّمَاوَاتِ وَالأَرْضِ جَاعِلِ الْمَلائِكَةِ رُسُلا أُولِي أَجْنِحَةٍ مَّثْنَى وَثُلاثَ وَرُبَاعَ يَزِيدُ فِي الْخَلْقِ مَا ..."1"} (فاطر )

[R-K]

يوووووووووووومة زمردة طيارة

[نبض آخر]

ههههههه اني مو مشترك بس ردت افوت اخذ نقطه


بس ماشاء الله شبسرعه !!

[زمردة]

ههههههههههههه

صاير واهسي يم المسابقة

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
مبروك لزمردة
الاجابة صحيحة
وبذلك تكون النتيجة كالآتي:
رانيا= 3
ميمالوف = 1
زمردة= 6
ابراهيم اورتن = 4
مغرورة بحبك = 1


وبكرا سؤال جديد

ان شاء الله
تحياتي

[ღ! غ̷ ـرور !ღ]

ههههههههههههههههههههه
منور مديرنا
اجابتك صحيحة لكن انت حطيتها بالتفصيل
وبذا الوقت رح تطير عليك النقطة

مبروك لزمردة
وهاردلك مديرنا وهاردلك رانيا
فرصة ثانية ان شاءالله
تحياتي

[نبض آخر]

مبروك لزمردة


واكيد اني رح اترك المجال لغيري يفوز بس حبيت ازوركم


ودي

[mohammad orton]

الففففففففففففففففففففففف مبروك لزمردة

[ღ! غ̷ ـرور !ღ]

شرفتنا بزيارتك الحلوة مديرنا
واكيد المسابقة صارت احلى بوجودك
يعني نعتبر اليوم يوم مميز :)

[مغرورة بحبك]

اني خو اصلا دانسى وقت المسابقة ومرات اكون مشغوله

بس من الان وصاعدا راح اجي اريد احصل نقاط حبابين

[ღ! غ̷ ـرور !ღ]

اي مشغولة مع المسكين ابن ديالي
خطية رح ينتحر من وراكِ
بكرا ننتظرك ان شاءالله
ولا تنسون "للزمن ثمن"
الاسرع هو اللي رح ياخذ النقطة إذا اجابته صحيحة

نلقاكم غدا بمشيئة الله
تحياتي

[زمردة]

مية هلا بنبض اخر

مرورك وزيارتك كانت حلوة

ويللا مغرورة منو لازمج تعالي بكرة واخذي نقطة

واني همات احيانا انسى وانشغل

البارحة اجوني ضيوف وي وقت المسابقة

بالعشرة ورغم همه عزيزين عليه وصارلي كم سنة مشايفتهم

بس ضجت لان راحت عليه المسابقة ههههههه


\

[ღ! غ̷ ـرور !ღ]

لحد الآن انتي بالمقدمة يا زمردة :)
ان شاء الله رح اجهز وسام حلوووووووووو للفائز
واحتمال اعمل لكم مفاجأة حلوة
لكن خلها بوقتها تصير احلى

تحياتي

[R-K]

مبرووووووووووووك الزمردة انشاالله يومية يجوج خطار ههههه

وانشاالله المفاجئة تتظمنة احنة المساكين ههههه

[زمردة]

ههههههههههههههههه

يارانيا والله ضحكتيني

رادوا يجوني اليوم كتلهم لا اجلوهه اني مريضة

ههههههههههههههههه

[نبض آخر]

السلام عليكم

سؤال اليوم

اسم مدينة أسبانيه فتحها المسلمون ؟؟

[R-K]

ههههههههه
ليش زمردة ليش خطية غير اتخليهم يجون حرامات هههه

[زمردة]

مدينة غرناطة

[R-K]

غرناطة....

[R-K]

يبوووووووووووووووو

النت طيح حظي سنة الة ظاف الرد
مبرووووك مرة لخ

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
مبروك لزمردة
الاجابة صحيحة
وبذلك تكون النتيجة كالآتي:
رانيا= 3
ميمالوف = 1
زمردة= 7
ابراهيم اورتن = 4
مغرورة بحبك = 1


وشكرا نبض لتعاونك معي
بكرا سؤال جديد ان شاء الله
تحياتي

[ღ! غ̷ ـرور !ღ]

سؤال اليوم
ما اسم عاصمة أذربيجان؟

بالتوفيق للجميع
تحياتي

[R-K]

عاصمتها باكو

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
مبروك لرانيا
الاجابة صحيحة
وبذلك تكون النتيجة كالآتي:
رانيا= 4
ميمالوف = 1
زمردة= 7
ابراهيم اورتن = 4
مغرورة بحبك = 1


بكرا سؤال جديد ان شاء الله
تحياتي

[IBRAHIM ORTON]

الف مبروك لرانيا

والله نسيت المسابقة واللابتوب جان يم المصلح

[ღ! غ̷ ـرور !ღ]

ان شاء الله بكرا تكون اول الحاضرين
اليوم احس الحضور قليل جدا
يلا بكرا نلقاكم

[R-K]

تسلم برهم يلة الجايات اكثر من الرايحات

[زمردة]

هسه يللا طلعوا الضيوف

ههههههههههههههه

مبروك رانيا

اجوا بالعشرة وي المسابقة

كلت هسه تتونس رانيا اني اليوم ماكو

يللا الف مبروك حياتي

[R-K]

ههههههههههه عفية عليهم حبابين فيت بالعشرة هههه

تسلمين حبي

[زمردة]

اي والله رانيا فيت بالعشرة

بس البارحة بقيتي وحدج والساحة كلهه الج

واليوم انشالله متحضرة اني

ههههههههههههه

[R-K]

لالالالالالالا انشاالله اليوم هم يجون خطار ماكو منا منا محد خابرج ههههه

ولله البارحة ابراحتي ضفت
مو اركض ركض مثل كل يوم هههه

[ღ! غ̷ ـرور !ღ]

اعزائي
انا مضطرة احط السؤال الآن لأني مشغولة كثير واللي يشوف السؤال قبل هو وحظه :)

سؤال اليوم
أي المخلوقات يسمى صوتها النقيق؟

بالتوفيق للجميع
تحياتي

[R-K]

الجواب الضفدع

[زمردة]

هاي شنو قبل الوقت المحدد

شكول عليج ياغرور

يللا مبروووووووووووووك رانيا

اساسا ميحتاجله بحث بالنت

[ღ! غ̷ ـرور !ღ]

عذرا لأن اليوم اني مشغولة وايضا معصبة
والصراحة منحرجة من نبض لأن كل مرة اكول له حط السؤال
فعديها هالمرة وفرصك ان شاءالله كثيرة بالفوز :)
تحياتي

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
مبروك لرانيا
الاجابة صحيحة
وبذلك تكون النتيجة كالآتي:
رانيا= 5
ميمالوف = 1
زمردة= 7
ابراهيم اورتن = 4
مغرورة بحبك = 1


بكرا سؤال جديد ان شاء الله
تحياتي

[زمردة]

عيني غرور اذا تكونين مشغولة كولي لنجمة هي تخلي السؤال

واذا الساعه بالعشرة متناسبج ممكن نغيرهه

لان اني مادخل لموضوع المسابقة الا بالعشرة

يعني ميصير ابقى مبلطة بالموضوع واترك باقي المنتدى

واذا النجمة مشغولة ممكن اي عضو تثقين بيه

ابن ديالى مثلا بس لاتنزلين الموضوع بوقت منعرف بيه رجاااااااااااااااااء

[ღ! غ̷ ـرور !ღ]

الافضل انغير وقت المسابقة للساعة 9م
انا اللي اشوفه الكل متواجد بهذا الوقت يمكن اكثر من العشر
لأن اني احيانا اطلع مع الاهل في حدود 9 يعني احط السؤال واطلع على طول
اما العشرة صراحة صعبة
هيج انحبس وأهلي رح ينزعجون لما ابدي المنتدى عليهم
فالافضل يتغير لتسعة

وان شاء الوقت يناسب الكل
تحياتي

[زمردة]

خلاص الوقت اللي يناسبج ياغرور

خليه بالتسعة

انتي اللي قبلتي عالساعة العاشرة

وهسه خلاص تحدد الساعه التاسعة افضل هشكل

حتى ميصير اي التباس

[ღ! غ̷ ـرور !ღ]

سؤال اليوم
ما اسم أهم الموانئ الفرنسية؟


وبالتوفيق للجميع
تحياتي

[R-K]

مرسيليا ....

[زمردة]

ميناء مرسيليا

[زمردة]

مبرووووووووووووك رانيا

ردت اتاكد قبل ماكتب الاجابة وراحت عليه

يللا خيرهه بغيرهه

[ღ! غ̷ ـرور !ღ]

هههههههههههههه
ما شاءالله سريعة رانية
مبروك اجابتك صحيحة
وراجعة اعلن النتيجة بعد عودتي
تحياتي

[R-K]

ههههههههه ياسريعة اصلا كلت هسة الكي غرور كاتبة منو فاز ولله اتفاجئت اني الي فزت تسلمون

[ღ! غ̷ ـرور !ღ]

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
مبروك لرانيا
الاجابة صحيحة
وبذلك تكون النتيجة كالآتي:
رانيا= 6
ميمالوف = 1
زمردة= 7
ابراهيم اورتن = 4
مغرورة بحبك = 1


بكرا سؤال جديد ان شاء الله
تحياتي