نسى اسمي

[عيونك آخر آمالي]

نـــسى أســمي وبـــأســـم غــيــري نــادانــي

جــرحـــني جــرح مـــاعمـــــــري تــألـــمـــتــه

وتـــأســـف لــــي وتـــعـــذر لــي وترجانــــي

قـــال غـــلــــطــه...وســكـت عــنه ماكلــمتــه
شســـــامـح فيك تناديني بأسم ثااااااانـي ؟؟

حــسافه بـس غــــلااااااااك بالـــروح سكــنته
الــيوم اســمي وبـاكـر بـكبـري تــنسااااني

خــلاص أرجـــوك لاتــفــتـح بـاب ســكــرته
خــلاص أنــا مـحـيت اســمـك مـن لـســاني

وكـــل اســــم عـلـى اســمــك تـجـنـبـتــه
مــاعــاد حــبــك يــهــز شــي في وجداني

ولا انــت ذاك الــطــفــل اللــي دلــلـــــتــه
انـــا مــا أعـــرف اشــيـــل هموم ولا اعاني

ولا انــدم عــلــى انــســان إذا عــفــتـــه
وادوس انـــا عــلــى جــرحــي واحزاني
هـــذا اللــي مــن ا لـــدنيا تـــعلمتــــه


ماراق لي:eek:

[غربة بغداد]

ولا انــت ذاك الــطــفــل اللــي دلــلـــــتــه
انـــا مــا أعـــرف اشــيـــل هموم ولا اعاني

نشكر لك المجهود حتى وان كانت اقلام اخرى لكنكي تشاركينا الاحساس
تفبلي مروري

[امير الحب]

احلى كلام مشكوررررررررررررررررر

[مهندس بغداد]

عاشت ايدج كلام جميل
تقبلي مروري تحياتي......

[عيونك آخر آمالي]

اشكركم على الدخول لصفحتي المتواضعة

[qasm.muhsin]

طالب وعايف دروسي واقرا اشعار وجرايد
وعاشگ بنيه بقسمنه والگلب بس الها رايد
هي حلوة .. هواية حلوة واني عمي شلون واحد
بالفرن ناسيني اهلي وحتى لون عيوني جارد
حاولت الفت نظرها بكل وسيلة وماكو فايد
غيرت لبسي ومشيتي وفكري بالمودات شارد
وجللت شعري وصبغته ولبست حتى گلايد
گعدتني ع الحديدة لا بعت حتى الحدايد
لا تگلي ولا اگلك بهذلتني الله شاهد
وهي تدري بس خبيثة مثولة والدلال بارد
وانه نار بنص دليلي خاف اصارحها وتعاند
مرة اگول احجي معاها ومرة اگولن خلني راچد
وين چانتلي يربي چنت متونس وگاعد
وقررت لازم ابوح بحبي الها وما احايد
بوري ما بوري اسولف قابل مصارح مجاهد
جيت وتقربت يمها جسمي يرجف حيلي بايد
والضغط يمي تخربط مرة نازل مرة صاعد
گمت اتمتم گمت اعتعت گمت احس بلساني جامد
چني سيارة عتيگه وانكسر من عدها گايد
ردت افلت ما عاد ينفع گالت اتفضل شرايد
گلت عفواً من رخصتچ بلكي عندچ قلم زايد

[عيونك آخر آمالي]

قصيدتك اخي زادت صفحتي جمالا الفشكر على التسطير ومشاركتي بالكلام